یک روچے کیت کہ تو من ءَ سک یات کن ئے ءُ بوت کنت کہ آ وھد ءَ منی ھچ نشان ءُ باقی نہ بیت۔ من بازیں وھدے ءَ چہ پہ تو نبشتہ کنگ ءَ آں، ترا اے مارشت ءَ دیگ ءَ آں کہ من تئی زند ءِ یک مھکمیں بہرے آں. اے دنیا ءِ یک عجیبیں نظامے اِنت... کہ برے برے وتی وجود ءِ سرا دلجم بوہگی اِنت۔ پدا یک وہدے کیت کہ ماہ ءُ سالانی فاصلہ بیت، ءُ تو من ءَ ہچ جاہ ءَ نہ گندئے۔ اگاں کدی منی یات ترا بے تاھیر کنت ءُ تو منی شوھاز ءَ درکپ ئے گڑا من ءَ سوشل نیٹ ورک ءَ شوھاز کن۔ اگاں اودا ھم منی نشان نیست گڑا بے تواری ءَ سئے اسپیتیں پُل بیار ءُ منی میتگ ءَ بیا ... ءُ اودا ھمک کبر ءِ سر ءَ فاتحہ بہ وان ، کئے زانت ، ایشانی تہ ءَ یکے منی اِنت ۔ منی گور ءَ مہ اتک... بس دور ءَ چہ دعا بہ کن۔ زندگی ءِ سفر بے تو ءَ پہ من ہچبر آسان نہ بوتگ بلے منی مہر ءُ منی جزم مرچی ہمے رنگ ءَ انت۔ تئی جوہر چہ ماہ ءَ مستر اِنت۔ تئی نیکیں اخلاق ءُ کردار ءِ سرا ہزاراں کتاب نبشتہ کنگ بوت کنت۔ اے منی گڈی گپ انت، ایشی ءَ پد من ترا پدا ہچبر زحمت نہ کناں۔ من بے مٹیں ودار کت... من ہر دمان ءَ وتی موبائل ءَ وتی دست ءَ داشتگ ات کہ بوت کنت تو من ءَ پیغامے بہ دئے ئے بلے تو نہ کت۔ بس منی گُڈّی اُمیت ءَ مہ پروش۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔، بوت کنت کہ یک روچے تو منی کبر ءِ سرا بیا ئے۔ #ZahrolBaloch #zahrolbaloch1 #zarri🕊️ #foruoupage #creatorsearchinsights - @zahrolbaloch1