@abbaswrites_512: پنج راتہ کی صدیوں قدیمی روایت تحریر و تحقیق: سید توقیر زیدی ڈیرہ اسماعیل خان کی شناخت صرف اس کی تاریخ، ثقافت یا جغرافیہ نہیں، بلکہ وہ صدیوں قدیمی روایات بھی ہیں جو نسل در نسل منتقل ہوتی رہی ہیں۔ پنج راتہ انہی نایاب روایات میں سے ایک ہے جس نے وقت کی تیز رفتار تبدیلیوں کے باوجود اپنی روح کو زندہ رکھا ہوا ہے۔ استقبال محرم الحرام کے سلسلے میں نقارہ بجا کر پنج رایا رکھ جاتا ہے۔ پنج راتہ محرم الحرام کی آمد کا اعلان بھی ہے اور اس سے جڑی عقیدت کا اظہار بھی۔ برصغیر پاک و ہند میں پنج راتہ رکھنے کی صدیوں پرانی روایت آج اپنی آخری سانسیں لے رہی ہے۔ شام آہستہ آہستہ اپنے سائے پھیلا رہی ہوتی ہے۔ سورج افق کے پیچھے اتر جاتا ہے ڈیرہ اسماعیل خان کی فضا پر ایک عجیب سی خاموشی طاری ہونے لگتی ہے کہ اچانک امام بارگاہوں سے نقارے کی گونج بلند ہوتی ہے یہ کوئی عام آواز نہیں ہوتی، یہ صدیوں سے سفر کرتی ایک صدا ہوتی ہے، جو لوگوں کو بتاتی ہے کہ محرم الحرام دروازے پر دستک دے رہا ہے۔یہی وہ لمحہ ہوتا ہے جب ڈیرہ اسماعیل خان میں پنج راتہ کا آغاز ہوتا ہے پنج راتہ ایک ایسی روایت جو صرف ایک رسم نہیں بلکہ تاریخ، عقیدت، ثقافت اور غمِ حسینؑ کا حسین امتزاج ہے۔پنج راتہ بنیادی طور پر سرائیکی زبان کا لفظ ہے جس کے معنی 5 راتیں ہیں۔ پنج راتہ دراصل محرم کی آمد سے قبل سوگواری کا اعلان ہے۔ پاکستان اور آس پاس کے ممالک میں بھی محرم الحرام کی آمد سے 4 دن قبل پنج راتہ کی روایت زمانہ قدیم سے چلی آ رہی ہے جو ایک لحاظ سے محرم الحرام کی آمد کا اعلان بھی ہے اور اس سے جڑی عقیدت کا اظہار بھی ڈھلتی شام کے سناٹے میں نقارے کی گونج جب شام کی خاموشی کو چیرتی ہے تو ایسا محسوس ہوتا ہے جیسے تاریخ کے اوراق پلٹ رہے ہوں۔ گویا کربلا کا پیغام صدیوں کا سفر طے کرکے ایک بار پھر لوگوں کے دلوں تک پہنچ رہا ہو۔ یہ صرف آواز نہیں بلکہ وفا، قربانی، صبر اور حق کے لیے ڈٹ جانے کے اُس ابدی پیغام کی یاد دہانی ہے جو کربلا نے انسانیت کو عطا کیا۔ بزرگوں اور محقیقن کے مطابق ماضی میں جب نہ کوئی زرائع ابلاغ تھا، نہ ریڈیو تھا، نہ ٹیلی ویژن تب یہی نقارے لوگوں تک محرم کی آمد کا پیغام پہنچاتے تھے۔ نقارے کی پہلی تھاپ کے ساتھ ہی خوشیوں کی محفلیں سمیٹ دی جاتیں، شادی بیاہ کی تقریبات بطور احترام محرم الحرام ختم کر دیتے تھے پنج راتے کی روایت کا باقاعدہ آغاز بادشاہ تیمور لنگ نے کیا تھا۔ 25 زی الحج کو نماز مغربین سے کچھ دیر قبل امام بارگاہوں اور عزاداری سید الشہداءؑ سے منسوب مخصوص مقامات پر طبل و نقارہ بجا کر محرم کی آمد کا اعلان کیا جاتا تھا۔ برصغیر پاک و ہند میں پنج راتے کی روایت بہت قدیم ہے جس کا مرکز لکھنو ہے۔ اگرچہ جدید دور میں بہت سی روایات تاریخ کے صفحات میں گم ہو چکی ہیں، لیکن انڈیا، افغانستان اور پاکستان کے کچھ مخصوص علاقوں میں پنج راتہ کی یہ صدیوں قدیمی روایت آج بھی اپنی اصل روح کے ساتھ زندہ ہے۔ انڈیا کے شہر لکھنو اور افغانستان میں آج بھی کہیں کہیں نقارہ بجا کر پنج راتا کے طور پر محرم کی آمد کا اعلان کیا جاتا ہے جبکہ پاکستان میں یہ روایت صرف تین شہروں صوبہ پنجاب کے شہر بھکر، دریا خان اور خیبر پختونخواہ کے شہر ڈیرہ اسماعیل خان و مضافات میں اپنی آخری سانسیں لے رہی ہے۔ ان علاقوں میں آج بھی پنج راتہ کے سلسلے میں امام بارگاہوں اور عزاداری سید الشہداءؑ سے منسوب مخصوص مقامات پر نقارے بجائے جاتے ہیں یہ نقارے یکم محرم الحرام سے 4 دن قبل نماز مغربین سے قبل روزانہ کی بنیاد پر بجائے جاتے ہیں جبکہ یکم محرم الحرام سے امام بارگاہوں میں باقاعدہ مجالس عزاء کا انعقاد کیا جاتا ہے۔ ڈھلتی شام کے سناٹے میں نقاروں کی آواز کے ساتھ ہی پورا علاقہ نواسہ رسولﷺ، اولاد بتولؑ کے غم میں سوگوار ہو جاتا تھا۔ دیگر مذاہب و مسالک کے لوگ بھی محرم الحرام کی نسب سے نقارے کی صدا سنتے ہی اپنی تمام خوشیوں، شادی بیاہ کے پروگرام ترک کر دیتے تھے وقت بدل گیا، ذرائع بدل گئے، نسلیں بدل گئیں، مگر ڈیرہ اسماعیل خان کی گلیوں میں گونجنے والی پنج راتے کے نقارے کی صدائیں آج بھی اعلان کرتی ہیں کہ محرم الحرام صرف ایک مہینہ نہیں، کربلا ایک واقعہ نہیں بلکہ ایک فکر، ایک پیغام اور ایک تاریخ کا نام ہے۔ پنج راتہ اسی تاریخ کے استقبال کا وہ دروازہ ہے جو لوگوں کو کربلا کے عظیم درس سے جوڑتا ہے۔ یہی وجہ ہے کہ ڈیرہ اسماعیل خان میں جب نقارے بجتے ہیں تو صرف امام بارگاہوں کی دیواریں ہی نہیں گونجتیں بلکہ لوگوں کے دل بھی غمِ حسینؑ کی محبت سے لبریز ہو جاتے ہیں #foryou #2026 #muharram #muharramstatus

ﾑＢＢﾑＳ

Open In TikTok:

Region: PK

Thursday 11 June 2026 17:22:00 GMT