@moghazy881: أصعب من اليُتم إن يكون أبوك وأمك عايشين ومحدش فيهم عاوزك تخيل طفل صغير كل ذنبه إنه اتولد بين أب وأم قرروا ينسوا إن عندهم ابن... الأب والأم انفصلوا والأم أخدته معاها والأب اتزوج وخلف وكأنه ماعندوش ابن من الأساس ... الأيام عدت والجدة اللي كانت سند للولد توفت والأم اتزوجت لكن الزوج الجديد رفض وجود الطفل في البيت وبدل ما تدور له على الأمان بدأت ترميه من مكان لمكان لحد ما ناس غلابة رق قلبهم عليه واستضافوه وعرفوا حكايته... ولما وصل الأمر للجهات المختصة كان القرار الطبيعي إن الولد يرجع لأبوه لأن الأم اتزوجت والجدة توفت والأب هو المسؤول عنه ... لكن اللي حصل بعدها كسر القلب أول ما الأب فتح الباب وشاف ابنه واقف قدامه ما حضنش ابنه ما سألش عليه ما قالش حتى "إزيك يا ابني" كل اللي قاله"كلموا المحامي بتاعي" كأنهم جايين يطالبوه بدين مش جايبين له ابنه والصدمة الأكبر لما خرجت زوجته وقالت"ودوه لأمه إحنا ملناش دعوة بيه"💔 الطفل واقف شايف أبوه بيرفضه وشايف أمه سبق ورمته وشايف الدنيا كلها بتقفل أبوابها في وشه... الناس اللي حاولت تساعده قالت إنها عملت اللي عليها ومشيت وأبوه دخل وقفل الباب ... الباب اتقفل لكن اللي اتكسر وقتها مش الباب اللي اتكسر قلب طفل صغير كان فاكر إن أبوه هيحضنه ويقوله"تعالى يا ابني" فضل واقف يبكي يمكن مستني الباب يتفتح تاني يمكن مستني حد يقوله"إحنا آسفين"يمكن مستني يحس إنه مرغوب فيه بس للأسف مافيش حد ناداه.... لما طفل يحس إنه حمل على أبوه وأمه ولما يسأل نفسه "أنا عملت إيه عشان محدش يحبني" الأطفال مش لعبة مش ورقة ضغط بين أب وأم ومش ضحية لخلافات الكبار الطفل ده ما اختارش ييجي الدنيا... لكن اللي جابوه الدنيا كان لازم يتحملوا مسؤوليته...✋️ (( افيقوا يرحمكم الله )) #treand #fypシ゚viral #الاسرة #الاطفال #اكسبلورexplore
