لكن إكتشفت إنو الوقت قادر يداوّي أي حاجة الزمن كفيل بإنو يرّمِم ويلّتِق ويجبر كل حاجة إتكسرت جوانا عرفت أننا عااادي ممكن نتجاوز .. ننسي .. ونعيش عادي عااادي نضحك وعااادي نعيش حياتنا بي صورة طبيعية زي ما كنا عايشنها لما هم كانوا معانا للأمانة خسارة الناس بتتعوض وبجي الأحسن منهم لكن خسارتك لنفسك لو فضلت طول العمر تحاول تعوضها حتلقى نفسك خسران زيادة ! عمري ما خفت من خسارة زول لأني مؤمن تماماً إنو البحبني بالجد لا بقدر يفارقني بالأيام ولا بقدر يخاصمني ساعة ! )) ومن هنا بقت ما فارقة معاي خسارة زول لأنو مع كل موقف بيحصل بيبرهن لي مكانتي عند الطرف التاني ! وزي ما الزمن بيخلينا نتجاوز وننسى الناس الفاتوا ! عااادي جداً يخلينا نحب وجود ناس تانيين وجديدين في حياتنا ! عادي يدخل حياتك زول ينفض الغبار من على قلبك ويخليك تبدأ معاهو بداية حلوة تليق بيك ! كل حاجة مربوطة بالزمن ! الزمن بخلينا نرجع تاني نفرهد وننور وقلوبنا تعمّر بالحب ! أسمعها مني ! عمرها الحياة ما وقفت على زول ! =مرات بتلقي حياتك بدت تمشي صح بعد ما أنت خسرت الزول المعين داااك =ومرااات بتكتشف إنك كان لازم تخسر الزول دا عشان تلاقي زول بشبهك وبستحقك ! ما تخاف من إنك تخسر الذكريات اللطيفة اللّمتك بيهم ! عادي التفاصيل الحلوة بتتعاد والمواقف الحلوة حتقدر تعيشها تااااني مع الناس الصح وفي الوقت المناسب ! وبس يعني ... عامل الزمن أهم حاجة عندي في علاقاتي مع الحوليني ! المحبة بتجي مع الزمن .. التجاوز بجي مع الزمن .. والتفاصيل بتتبني مع الزمن والتعويدة محتاجة زمن ! أنت البي إيدك وطريقتك بتقدر تكسبني ! عاملني بالطريقة الأنا بستحقها منك وأديني فترة كافية عشان إتعود عليك حتلاقي قدامك إنسان إتفّصّل على مقاسك بالضبط - @kjoonka63