#ምስጋናን_መልመድ 🕊💞 ✍️1.#ምስጋናን_መልመድ ፦ሁልጊዜ የሌለንን ነገር ከማሰብ ይልቅ ያለንን ማየት መልመድ አለብን።#ልምምድ፦ በቀን ጠዋት ስንነሳ ወይም ማታ ስንተኛ ቢያንስ ሦስት እግዚአብሔር ያደረገልንን መልካም ነገሮች ለይቶ ማመስገን። ምስጋና በራሱ ለበረከት በር ይከፍታል። ✍️2.#ዝምታን_መልመድ ከመናገራችን በፊት ማሰብና በዝምታ ውስጥ ራስን ማዳመጥ መልመድ ትልቅ ጥበብ ነው።#ልምምድ፦ በጩኸትና በወሬ ውስጥ ከመሳተፍ ይልቅ በቀን ውስጥ ቢያንስ ለ15 ደቂቃ በዝምታ ሆነን ከራሳችንና ከፈጣሪያችን ጋር ማውራት። እንደሚባለው ብዙ ስህተቶች የሚቀነሱት በዝምታ ነው። ✍️3. ቂም መያዝ ሌላው ሰው ላይ የምንወረውረው ድንጋይ ሳይሆን እኛን የሚያቃጥል እሳት ነው። ሰዎች ሲበድሉን ወዲያውኑ መልቀቅን (Letting go) መልመድ። ይቅርታ የምናደርገው ለሌላው ሰው ብቻ ሳይሆን ለራሳችን ሰላም ስንል እንደሆነ ማመን አለብን። ✍️4. ሁሉንም ሰው ለማስደሰት መሞከር ራስን ማጣት ነው። ከመንፈሳዊ ሕይወታችን፣ ከዓላማችንና ከጤናችን ጋር የማይሄዱ ነገሮች ሲመጡ በጨዋነትና በቆራጥነት "አይ" ማለትን መልመድ። ይህ ለራሳችን የምንሰጠው ክብር ነው። ✍️5. አእምሮ ካልተመገበ ይደርቃል። በቀን ጥቂት ገጾችን እንኳ ቢሆን መንፈሳዊ ወይም ዕውቀት የሚጨምሩ መጻሕፍትን ማንበብ። አዳዲስ ነገሮችን ለመማር ራስን ሁልጊዜ ዝግጁ ማድረግ። ✍️6. ምቀኝነት የነፍስ ደዌ ነው።:- ጓደኞቻችን ወይም ዘመዶቻችን መልካም ነገር ሲገጥማቸው ከልብ ደስ መሰኘትን መልመድ። የሌላው ስኬት የእኛን ዕድል እንደማይቀንስብን ማወቅ አለብን። ✍️7. የሌላውን ሰው ስህተት ከመቁጠር ይልቅ የራሳችንን ድክመት ማየት።:- ዛሬ ምን አጠፋሁ? ምንስ መልካም ነገር አደረግኩ?" ብሎ በየቀኑ መጨረሻ ራስን መጠየቅ። ይህ ለንስሐና ለዕድገት ትልቅ መንገድ ነው። እግዚአብሔር ማስተዋሉን፣ ጥበቡን፣ እውነቱን ከፍቅር ጋር ይስጠን አሜን 🙏 እግዚአብሔር ብርሃኔና መድኃኒቴ ነው። , ! ይህን ገጽ () ፎሎው ()፣ ሼር () እና ላይክ () በማድረግ ቤተሰብ ሁኑ። - @haiyme1921