@juzmedia: Сонымен, таяқ тасталды, төрткүл дүние төрт жыл күткен футбол тойы басталды. 2026 жылғы әлем чемпионаты Мехикодағы әйгілі Estadio Azteca стадионында салтанатты түрде ашылды. 87 мың жанкүйер жиналған кеште Шакира мен Бурна Бой өнер көрсетіп, Мексиканың тарихы мен мәдениетін дәріптеген әсерлі шоу ұйымдастырылды. ⠀ 🇲🇽 Мексика – 🇿🇦 Оңтүстік Африка 2:0 ⠀ Турнирдің алғашқы голын 9-минутта Хулиан Киньонес соғып, әлем чемпионатының алғашқы мергені атанды. Алаң иелері ойын тізгінін өз қолында ұстап, сенімді жеңіске жетті. Бірақ бұл матч нәтижеден гөрі тәртіп бұзушылықтарымен есте қалатын сияқты. Кездесуде 3 қызыл және 3 сары қағаз көрсетіліп, әлем чемпионаттары тарихындағы ең дөрекі ашылу матчтарының біріне айналды. ⠀ 🇰🇷 Оңтүстік Корея – 🇨🇿 Чехия 2:1 ⠀ Алғашқы камбэк те көп күттірген жоқ. Чехия есеп ашқанымен, кореялықтар жігер танытып, ойын тағдырын өз пайдасына шешті. Хван Ин Бом бір голға қатысып, бір нәтижелі пас берсе, жеңіс голын О Хён Гю соқты. Тартысқа толы матчта Азия өкілі маңызды үш ұпай еншіледі. ⠀ Осылайша, әлем чемпионатының алғашқы күнінде жанкүйерлер голды да, қызыл қағаздарды да, камбэкті де көрді. Ал, басты футбол драмалары әлі алда.

1488

There are no more comments for this video.

To see more videos from user @juzmedia, please go to the Tikwm homepage.