🪼
Region: VN
Friday 12 June 2026 09:24:28 GMT
305
28
0
1
Music
Download
Comments
There are no more comments for this video.
To see more videos from user @ndtltv22050507, please go to the Tikwm
homepage.
![عايزة احكي عن عوض ربنا لينا كان كيف انا زوجي اتزوجني وهو كان شغال بائع متجول (الناس البشيلو حاجات في يدينهم يبيعوها وما عندهم محل ثابت) تمينا زواجنا بالبسيط وحتى لا شهر عسل ولا شيء أجر لي بيت فيه غرفة واحدة بس وحمام وتاني شيء ما فيه المهم صبرت معاه ومرات يلقى ومرات لا المهم قدر الله حملت وكان حق الدكتور في تلتلة والحبوب والفحوصات كل شيء كان صعب بتذكر مرة نفسي كان في شكولاتة وكلمتو وهو ما عندو وقال لي بجيبها ليك وما قدر يومها حس نفسو مكسور شديد وانا برضو زعلت والله قمت صليت (ما كان زمن صلاة) بس اتوضيت وصليت وقعدت ابكي لربنا ودعيت قلت (يارب الشوكلاتة النفسي فيها وما لقيتها دي يارب ارزقني ليها لمن اقنع منها) والمهم حسيت نفسي ارتحت بعد صليت و الموضوع عدا عادي (طبعا طيلة فترت زواجي وحملي دي لقيت منو الحنية بس ولو قلت عايزة حاجة ما بتزهج وبقول ما عندي ما كان بتضجر نهائي كان هادي ومؤمن انو الوضع ح يتصلح (كان متدين شديد بصوم اتنين وخميس و بصلي صلواتو كلها في المسجد وبصلي النوافل) سبحان الله مرة راجع من صلاة العصر لاقاهو واحد وقال ليه بكرة تعالني في الدكان وبقى يشتغل معاه باليومية كان بس مصروف البيت وفجأة بتاع الدكان فتح فرع تاني وشغلو فيه بالراتب الشهري وتاني زوجي اشتغل معاه بالشراكة وهسي زوجي عندو محل حلويات مشهور في منطقتنا وبقى اكبر اجمالي بتاع شكولاتات ومعلبات بأنواعها وبدل الغرفة الكنت قاعدة فيها بقيت قاعدة في بيتي عمارة طابقين وعندي عربية وزوجي بعربيتو بوكس دبل قبين موديل السنة ودق لي الدهب وجاب لي شيلة زينها لي وسيرة عديل كدا 😂❤️ (لمن اتزوجنا جاب لي عبايتين ونقابين) عوضني عن كل تفاصيل زواجنا مشيت شهر العسل تركيا ومعانا بتي حرفياً عايشة حياة الأحلام (كان دائماً بقول لي الآية دي [ومن يتق الله يجعل له مخرجاً ويرزقه من حيث لا يحتسب] الكلام دا كلو حصل في تلاتة سنه بس لي هسي بقول يا ربي دا حلم؟ 😂 وما اقول ليكم التلاجة بقت مليانة شوكلاتات قدر شنو فاللهم لك الحمد والشكر ❤️ حبيت اشاركم قصتي دي والله على ما اقول شهيد](/video/cover/7644644864717491477.webp)
