@misgie6: ‎ ‎ ‎ ‎🌿ከሰኮናዋ እስከ ጀርባዋ ስጋዋ አልቆ፣ በሾክና በአሸዋ ግለት ላይ የሰውን ልጅ ስትታደግ የኖረችውን አህያ ‎🌿 የሞኝነትና የውርደት ተምሳሌት አድርገን እንሳደብባታለን። ‎🌿 በአንጻሩ ግን እኛኑ አድኖ ለሚበላን፣ ህይወታችንን ለሚያጠፋውና ለሚያስፈራን አንበሳ የክብር ዘውድ እንጭንለታለን። ‎ ‎ባጭሩ ስለ አንበሳና ስለ አህያ መተረክ ፈልጌ ሳይሆን ይች አለም ከሞትክላት ትንቅሀለች ከገዴልካት ታከብርሀለች ‎ ‎ለጫማ ሳንቲም ለሀብል ሚሊዮን የምንክፈል ፍጡሮች ነን! ‎የሰው ልጅ የእውርነት ጥግ የሚታየው ለነገሮች በምንሰጠው ዋጋ ላይ ነው። ‎ ‎ከእሾህና ከምድር ንደዳ ጠብቆ ሙሉ አካላችንን ተሸክሞ ለሚያስጉዘን ውድ ባለዋጋ ነገር ጥቂት ብር ለማውጣት እንሳሳለን፣ እንቆጥባለን። ‎ ‎🌿 በአንገታችን ላይ ተንጠልጥሎ ዝም ብሎ ጅዋ ጅዌ ለሚጫወት ምንም አይነት ተግባራዊ ጥቅም ለሌለው የይምሰል ጌጥ ግን በሚሊዮን የሚቆጠር ገንዘብ ሳናንገራግር እናፈሳለን። ‎ ‎🌿እውነታው ይሄ ነው፡ ህይወታችንን ለሚታደገውና ለሚጠቅመን ነገር የምንሰጠው ዋጋ ሳንቲም ሲሆን ለታይታና ለከንቱ ውበት ግን ህይወታችንን እንገብራለን። ‎ ‎ ‎🌿አንዳንዴ እራሴንም ቆም ብዬ ስጠይቅ ሰው ስንባል ግርምት የምንፈጥር ፍጥረቶች መሆናችንን እረዳለሁ። የሚጎዳንን እንጂ የሚጠቅመንን አናውቅም። ‎ ‎🌿ወዴ ማህበራዊ ሚድያም ብንሄድ ህይወት ቀያሪ አእምሮን የሚያንጽ ቪዲዮ ሲመጣለን በአይን ጥቅሻ እስክሮል አድርገን እናልፈዋለን። ‎🌿 ነገር ግን ምንም ቁምነገር ከሌለው፣ አእምሮን ከሚያደነዝዝ የሚያስገለፍጥ ቪዲዮ ላይ አፍጠን የኮሜንትና የላይክ መዓት ስናንጋጋ እንውላለን። ‎ ‎🌿የሰው ልጅ ትሁትና ጨዋ መሆን እየፈለገ ቀኑን ሙሉ ስድብና ብልግና በሚታይበት መንደር ሲዞር ይውላል። 🌿ሀብታም መሆን እየፈለገ ደግሞ ድሮ የተቀመጠበትን የጥገኝነትና የሰንካላ ምክንያት ድንጋይ ፈንቅሎ ሳይነሳ፣ ዝም ብሎ አብላኝ አብላኝ እያለ ይማጸናል። ‎ ‎🌿ምኞታችንና ተግባራችን እንደ ፊትና ጀርባ ተለያይተዋል። ‎ ‎🌿ይህንን እውነት ተረድቶ ከተለመደው የሰነፎች አመለካከት መውጣት ‎ለአህያዋ (ለባለ ውለታው) ክብር መስጠት፣ ለጫማው (ለሚያስፈልገን ነገር) ዋጋ መክፈል፣ እና ምኞትን ከተግባር ጋር ማጣጣም የብልሆች ተግባር ነው። ‎🌿 ይህንን የተገለበጠ እውነት ማረም የምንችለው እኛው እራሳችን በቁጭት ቆም ብለን ስናስብ ብቻ ነው። ‎ ‎Telegram 👉👉👉አንድ እርምጃ(https://t.me/furtherone) ‎ ‎ ‎ ‎ ‎ ‎ ‎

further

Open In TikTok:

Region: ET

Friday 12 June 2026 10:03:06 GMT