#မိသားစုပင်စင်ဆိုင်ရာ သိမှတ်ဖွယ်ရာအချို့ ၁။ လုပ်သက် (၁)နှစ်အောက် = အကျိုးခံစားခွင့် မရှိ။ ၂။ လုပ်သက် (၁)နှစ်မှ (၄)နှစ်အထိ = တစ်နှစ်ကို (၁)လစာနှုန်း၊ လုပ်သက်ဆုငွေသာခံစားခွင့်ရှိ။ (ပင်စင်ခံစားခွင့်မရှိ)။ ၃။ လုပ်သက် (၅)နှစ်မှ (၉)နှစ်အထိ = လစာရဲ့(၁၂)ဆ၊ လုပ်သက်ဆုငွေသာခံစားခွင့်ရှိ။ (ပင်စင်ခံစားခွင့်မရှိ)။ ၄။ လုပ်သက် (၁၀)နှစ်မှ (၂၃)နှစ်အထိ = လစာရဲ့(၁၂)ဆ၊ လုပ်သက်ဆုငွေနှင့် ပင်စင်ပါ ခံစားခွင့်ရှိ။ (လစာရဲ့ ၁၂ ဆ နဲ့တွက်ချက်ပေးတာက လုပ်သက်ဆုငွေဟာ လစာရဲ့ ၁၂ ဆအောက် မလျော့နည်းစေရဆိုတဲ့ သတ်မှတ်ချက်ရှိတာရယ်၊ ပုံသေနည်းဖြင့် တွက်ချက်ပါက လစာရဲ့ ၁၂ ဆအောက် လျော့နည်းနေတာရယ်ကြောင့် လုပ်သက် ၂၃ နှစ်ထိ လုပ်သက်ဆုငွေကို လစာရဲ့ ၁၂ ဆနဲ့ တွက်ချက်တာဟာ အမှန်ဆုံးပါဘဲ၊ မသေချာရင် ပုံသေနည်းနဲ့ တွက်ကြည့်ပါ) ၅။ လုပ်သက် (၂၄)နှစ်နဲ့ အထက်မှသာ ပုံသေနည်းဖြင့် တွက်ချက်ပေးသင့်ပါတယ်။ (သူကတော့ လုပ်သက်ဆုငွေဟာ လစာရဲ့ ၁၂ ဆ ထက်များလာမှာမို့ပါ) ၆။ မိသားစုပင်စင်မှာ ကွယ်လွန်သူ၀န်ထမ်းဟာ အပျို၊ လူပျိုဖြစ်လို့ ညီ၊ ညီမတွေက လျှောက်ထားမယ်ဆိုရင် အတူနေ မှီခိုသူဖြစ်ရမယ်။ အိမ်ထောင်ရှိသူ ညီ၊ ညီမတွေဆိုရင် မရတော့ပါ။ ၀န်ထမ်းနဲ့ သီးခြားစီနေတာဆိုရင် မရတော့ပါ။ ၇။ ဇနီးဆိုရင် တရား၀င်ဇနီးကြီးဖြစ်ကြောင်း၊ တစ်ဦးတည်းသော ဇနီးဖြစ်ကြောင်း သက်ဆိုင်ရာ ဌာနအကြီးအကဲရဲ့ ထောက်ခံချက်ပါရပါမယ်။ ၈။ ၂၆-၃-၂၀၁၄ ရက်နေ့ နောက်ပိုင်းမှာ မိသားစုပင်စင်ခံစားနေတဲ့ ခင်ပွန်းဟာ နောက်အိမ်ထောင်ပြုရင် ပင်စင်ရပ်ရပါမယ်။ ယင်းရက်ထက် စောပြီးတော့ ခံစားနေတဲ့ ခင်ပွန်း ဆိုရင် ပင်စင်ခံစားခွင့် မရပ်ရပါဘူး။ ၉။ သမီး မုဆိုးမဆိုရင် ၀န်ထမ်း မကွယ်လွန်မီတည်းက မုဆိုးမဖြစ်နေသူဖြစ်ရမယ်။ ၀န်ထမ်း သေပြီးမှ မုဆိုးမဖြစ်သူဆိုရင် မရပါဘူး။ ၁၀။ သားသမီးဆိုတဲ့အထဲမှာ လင်ပါ၊ မယားပါ သားသမီးအားလုံး၊ မွေးစားသားသမီအားလုံး ပါ၀င်ပါတယ်။ ၁၁။ မွေးစားသားသမီးဆိုရင် တရားရုံးမှာ စာချုပ်စာတမ်းနဲ့ မွေးစားထားရုံနဲ့ မရပါဘူး။ စာချုပ်ကို စာချုပ်စာတမ်းမှတ်ပုံတင်ရုံးမှာ မှတ်ပုံတင်ပြီး ဖြစ်ရပါမယ်။ ၁၂။ မိသားစုပင်စင်ကို ဂီလာနသားသမီးတွေ ခံစားခွင့်ရှိပါတယ်။ ဂီလာနသားသမီးဆိုရင် ကျောင်းနေ၊ မနေ ထည့်သွင်းစဉ်းစားစရာ မလိုပါဘူး။ ကျန်းမာရေးထောက်ခံချက် လိုပါတယ်။ ဌာနအကြီးအကဲထောက်ခံချက် လိုပါတယ်။ မှီခိုသူကင်းရှင်းကြောင်း ထောက်ခံချက်ပေးရင် မိသားစုပင်စင် ခံစားခွင့်ပေးပါတယ်။ (မှတ်သားစရာ စီရင်ထုံးတစ်ခု-ကွယ်လွန်သူ၀န်ထမ်း၏ ဒုက္ခိတမျက်မမြင်ညီငယ်သည် မှီခိုနေရသူဖြစ်သော်လည်း အိမ်ထောင်ရှိသူဖြစ်၍ ၀န်ထမ်းအပေါ် လုံး၀မှီခိုနေရခြင်း မရှိသဖြင့် ပင်စင်ခံစားခွင့် မပြု။) ၁၃။ မယားပြိုင်ရှိနေလျှင် တရား၀င်ဇနီးကြီးဖြစ်ကြောင်း ထောက်ခံချက်ပေးသူကိုသာ ပင်စင် ပေးရမယ်။ ၁၄။ ပထမဇနီးကွယ်လွန်ရင် နောက်ဇနီးကို ပင်စင်ဆင်လက်ခံစားခွင့် မပေးတော့ပါ။ ၁၅။ ညီအစ်ကိုမောင်နှမများဟာ အပျို လူပျိုဖြစ်မှသာ ခံစားခွင့်ရှိပါမယ်။ မှီခိုမှုလည်း ပေါ်လွင်ရမယ်။ ၁၆။ မိသားစုပင်စင်မှာ အုပ်စု (၂)ခုရှိတာ သဘောပေါက်ရပါမယ်။ ရောပြီးစဉ်းစားလို့ မရပါဘူး။ သီးသန့်စီသာဖြစ်ပါတယ်။ (အိမ်ထောင်သည်၀န်ထမ်း/ အပျိုလူပျို၀န်ထမ်း) ၁၇။ အဖမဲ့မြေးဆိုတာ ၀န်ထမ်းရဲ့ သားသမီးက တိုက်ရိုက်မွေးသူဖြစ်ရပါမယ်။ တူ၊ တူမတွေက မွေးလို့ တော်စပ်တဲ့မြေးဆိုရင် မရပါဘူး။ ၁၈။ မိသားစုပင်စင် ခံစားနေတဲ့ ဇနီး/ ခင်ပွန်း သေဆုံးသွားခဲ့ရင် သူ့ရဲ့တရား၀င်မွေးစားထားတဲ့ သားသမီးကို ဆက်မပေးရပါဘူး။ မူလ၀န်ထမ်းက မွေးစားတဲ့သားသမီးတွေကိုသာ ပေးရပါမယ်။ ၀န်ထမ်း သေသွားပြီးမှ မိသားစုပင်စင်ခံစားနေတဲ့ ဇနီး/ ခင်ပွန်းက နောက်ထပ် မွေးစားတာဟာ ၀န်ထမ်းက မွေးစားခဲ့တာ မဟုတ်လို့ ခံစားခွင့်မရတာပါ။ သေသူ၀န်ထမ်းနဲ့ ဘာမှ မတော်စပ်ဘူးလို့ သိထားရပါမယ်။ ၁၉။ တစ်ခုလပ်သားသမီးတွေဟာ ပင်စင်ခံစားခွင့် မရှိပါဘူး။ (ကျွန်တော် တင်ပြခဲ့တဲ့ အချက်တွေထဲမှ ပင်စင်မပေးဘူး၊ ပင်စင်ခံစားခွင့် မရှိဘူးလို့ တင်ပြခဲ့တာတွေဟာ ဘာမှ အကျိုးခံစားခွင့် မရှိတော့ဘူးလို့ ပြောတာမဟုတ်ပါဘူး၊ အထက်က သတ်မှတ်ချက်တွေနဲ့ မကိုက်ညီရင် ၀န်ထမ်းရဲ့ အမှုထမ်းသက်အတွက် အကျိုးခံစားခွင့်အနေနဲ့ လုပ်သက်ဆုငွေ တစ်မျိုးတည်းကိုသာ ထုတ်ပေးသွားမှာ ဖြစ်ပြီးတော့ လစဉ်ပင်စင်ကိုတော့ ခံစားခွင့် မပေးဘူးလို့ ဆိုလိုခြင်း ဖြစ်ပါတယ်) လိုအပ်ချက်များ ရှိပါက ဖြည့်စွက်နိုင်ကြပါတယ် ခင်ဗျာ ။ တောင်းဆိုထားသူများကို ရည်ရွယ်တင်ပြခြင်းသာ ဖြစ်ပါတယ်။ Credit to Originaluploader #ဦးဇာနည်မင်း - @u.win.myint.oo40