@ordaqazaqs: Алматы облысындағы Заречный түрмесінде жазасын өтеп жатқан он шақты азаматқа қатысты даулы сот өтіп жатыр. Прокурор оларды түрме ішінде қылмыстық топ құрып, басқа тұтқындардан миллиондаған қаражат бопсалады деп айыптап, 19 жылға дейін бас бостандығынан айыруды сұрады. Алайда айыпталушылар бұл істің қолдан ұйымдастырылғанын айтып отыр. Тергеу мәліметінше, күдіктілер сотталғандарға қысым көрсетіп, олардың атына несие рәсімдеген. Бірақ айыпталушылар іс материалдарындағы қолтаңбалардың түпнұсқа емес екенін, қолдан жасалғанын мәлімдеді. Олардың сөзінше, тергеушілер жәбірленушілерге «қарсы жауап берсеңдер, босатамыз» деп келісімге келген. Қазір ол жәбірленушілердің (оның ішінде Mudabarah Capital ісімен сотталған Алмас Құрманғалиев те бар) басым бөлігі мерзімінен бұрын бостандыққа шығып кеткен. Сотталушылар «5 миллиард теңгелік түрме общагы» туралы ақпаратты толықтай жоққа шығарды. Тексеріс кезінде туыстары аударған мардымсыз қаражат тек азық-түлік пен темекіге жұмсалғаны анықталған. Олар тіпті тергеушінің «біз сендерге қылмыстық топты қолдан таңып отырмыз» деп мойындаған аудиожазбасы бар екенін алға тартты. Бұған қоса мекемеде тәулік бойы істейтін 686 бейнекамераның ешқайсысына күш қолдану немесе бопсалау фактісі түспеген. Түрмеде тікелей прокуратураға шағымданатын 6 терминал болса да, 20 ай ішінде олар арқылы бірде-бір шағым түспегені белгілі болды. Қазір бұл қарама-қайшылыққа толы істің мән-жайын сот анықтап жатыр.

ORDA

Open In TikTok:

Region: KZ

Friday 12 June 2026 12:00:24 GMT