@huseynlyrics: Bəzən insan həyatın nə qədər qısa olduğunu ən çox itirdiklərindən sonra anlayır. Dünən yanında olan insanlar bu gün xatirəyə çevrilir, birlikdə gülüb danışdığın günlər isə sadəcə yaddaşında qalır. Hər kəsin bir hekayəsi, hər hekayənin isə bir sonu var. Bir gün gələn, bir gün gedər... Bəlkə də buna görə heç nəyi sonraya saxlamaq olmaz. Demək istədiyimiz sözləri, göstərmək istədiyimiz sevgini, yaşamaq istədiyimiz anları vaxtında yaşamaq lazımdır. Çünki zaman heç kimi gözləmir. İnsan bəzən elə yarımçıq qalır ki, nə dərdini danışa bilir, nə də içindəki səsi susdura bilir. Hər kəsin içində görünməyən bir savaş, danışılmayan bir hekayə var. Kənardan gülümsəyən insanların belə gecələr yastığa baş qoyanda düşündüyü çox şey olur. Bu həyat bizə hər gün bir şey öyrədir: heç nə əbədi deyil. Nə sevinc, nə kədər, nə də insanlar... Ona görə də sevdiklərinizin qədrini bilin. Sabahın nə gətirəcəyini heç kim bilmir. Uşaqlıqda böyüməyə tələsirdik. Elə bilirdik ki, böyümək azadlıqdır, xoşbəxtlikdir. Amma zaman keçdikcə anladıq ki, böyümək bəzən sevdiklərini itirmək, xəyallarının dəyişməsi, bəzi insanlarla yollarının ayrılması deməkdir. Həyat bizə hər gün yeni insanlar gətirir, amma eyni zamanda çox şeyi də səssizcə bizdən alıb aparır. Bəzən bir şəkil, bir mahnı, bir küçə, bir qoxu insanı illər əvvələ qaytarır. Birdən yadına düşür ki, vaxtilə hər şey nə qədər fərqli idi. Yanında olan insanlar, qurduğun xəyallar, inanıb güvəndiyin dostluqlar... İndi isə onların çoxu sadəcə xatirə olaraq qalıb. Həyat davam edir, insanlar dəyişir, yollar ayrılır, amma insanın ürəyində bəzi izlər heç vaxt silinmir...) #huseynlyrics1 #kesfetteyiz #menaeliyev @MƏNA ƏLİYEV

Huseyn 🎧

Open In TikTok:

Region: AZ

Friday 12 June 2026 14:44:25 GMT