සමහර රෑවල් තියෙනවා, නිදාගන්න කලින් මතක අතර අතරමං වෙලා හිත නිහඬවම අහන ප්‍රශ්නයක්… “ඔයා මීට කලින් හම්බුනා නම් කොහොම වෙයිද?” කියලා. ඒ වෙලාවට හිතෙනවා, ජීවිතේ වැරදි මිනිස්සු පස්සේ දුවපු කාලය, නොවටිනා බැඳීම් වෙනුවෙන් ඇඬුනු දවස්, කවුරුත් නොදැන හිත ඇතුළේම විඳපු වේදනා… සමහරවිට නොතිබෙන්න තිබුණා කියලා. මොකද ඔයා හම්බුනේ මට මිනිස්සු ගැන විශ්වාසය අඩුවෙලා තිබුණ කාලෙක, හිත ගොඩක් තැන්වලින් බිඳිලා තිබුණ කාලෙක, ආදරේ කියන වචනයටත් බය හිතුණ කාලෙක. ඒ නිසාම වෙන්න ඇති, ඔයා මීට කලින් හම්බුනා නම් කියලා හිතට නැවත නැවතත් දැනෙන්නේ. ඒත් ජීවිතේ ලස්සනම ඇත්තත් ඒකමයි… සමහර මිනිස්සු අපිට හම්බවෙන්නේ අපි කැමති වෙලාවට නෙවෙයි, අපිට එයාලා වැඩිපුරම ඕන වෙන වෙලාවට. ඉතින් අදටත්, මම පසුතැවෙන්නේ ඔයා ප්‍රමාද වෙලා ආව එක ගැන නෙවෙයි. ඔයා කලින් හම්බුනා නම් මගේ ජීවිතේ කතාව කොච්චර වෙනස් වෙන්න තිබුණාද කියලා හිතෙන එක ගැනයි. ඒ හිතීම ඇතුළේ දුකකුත් තියෙනවා, හිනාවකුත් තියෙනවා, ඒත් හැමදේටම වඩා තියෙන්නේ ඔයාව හම්බුන එක ගැන පුංචි ස්තුතියක්… මොකද කාලය ප්‍රමාද වුණත්, හරි මිනිස්සු හම්බවෙන එක ජීවිතේ ලැබෙන ලස්සනම වාසනාවක්…! - @coffegirl0704