@x20xw: مو كل واحد يضحك يعني مرتاح، ومو كل ساكت ما بيه حچي. أني واحد من الناس، تعبان ومريض، وحظي من ردت أدوّر عليه ما لكيته. أخاف الله وأغلط، أحاول أصلح روحي وأرجع أتعثر، وعايش بدوامة ما أعرف وين بدايتها ووين نهايتها. قهر بداخل قهر، وهم فوق هم، ومع هذا أضحك هواية حتى محد يعرف شكد النار ماكلة بگلبي. عصبيتي صارت أسرع من كلامي، مو لأنّي أحب الأذية، بس لأن التعب من كثر ما تراكم بية ما بقى مكان للصبر. گلبي طيب أكثر من اللازم، ساعدت ناس هواية، ووقفت ويا الكل بوقت الضيج، بس من احتجت أحد، لكيت روحي وحدي. اهتميت للناس كلها ونسيت روحي، وضيعت سنين وأنا أرتب حياة غيري وحياتي بقت مبعثرة. متعب من الشغل، متعب من التفكير، متعب من هالدنيا اللي كل ما تنطيها من روحك أكثر، تاخذ منك أكثر. تعبت من الخذلان، من الوعود الكذابة، من الناس اللي تتغير بدون سبب، ومن الأحلام اللي كل ما أقربلها خطوة تبعد ألف. والحب... الحب بعده تارك أثره. مو أثر يروح بيوم ولا بشهر، أثر عايش بكل ذكرى، بكل مكان، بكل لحظة هدوء أحاول أنسى بيها. تعلمت شلون أبتسم والوجع بصدري، وشلون أكول "زين" وأنه مو زين. يمكن أني مو أقوى إنسان بالدنيا، ويمكن مرات أنكسر وأتعب وأوصل مرحلة ما أعرف شسوي، بس بعدني واكف. مو لأن الحياة سهلة، لا، بس لأن ما عندي غير هالروح وأحاول أحافظ عليها رغم كلشي. إذا شفتوني أضحك، لا تفكرون ما عندي وجع. وإذا شفتوني ساكت، لا تفكرون ما عندي حچي. أكو ناس حروبها كلها تصير بداخلها، وما يسمع صوتها غير الله. #ديالى #الخالص #الخالص🤝مدينتي🤘

فوف :

حين يحزن الإنسان، لا يبكي دائماً أمام الناس، بل ينهار بصمتٍ داخله، كمدينةٍ أطفئت أنوارها فجأة. يصبح الكلام ثقيلاً، والضحكة غريبة، حتى الأشياء التي كان يحبها تمرّأمامه بلا شعور. الحزن الحقيقي ليس دموعاً فقط، بل ذلك التعب الذي يسكن القلب ويجعل الروح تمشي ببطء وكأنها تحمل عمراً كاملاً فوقها. وفي الليل، حين يهدأ كل شيء، يبدأ وجعه بالكلام، ويتذكر كل ما كسره ولم يستطع نسيانه.

ياحسين :

علاوي هاي الدنيا كلها تروحلك مليون فدوة يكفي معدنك ذهب واخلاقك عاليه ومحبوب من كل الناس الله يعوضك كلشي

َِ𝗦َ🪽. :

++

ايات🇮🇶 :

فدوه

Dalya tarak :

صح لسانك

🌸🤎 :

شذر اسود :

سلامتك.

Rasha Al Jorany 🦢 :

ياريت اگدر اعبر عن البداخلي مثلك

خـييآآلُِ :

علاوي المعدل 🥰 ماكو احد مثلك اي والله

إيملي :

الله يهون علينا

نفر من تلعفر✨️ :

بس كلي انت شون تمثل حالتي بس بدون حب💔

🪿 :

عادي جداً ، المؤمن مبتلى ، الله يبرد گلبك ويوفقك ويعوضك عن كل شي ، خليك دائماً قوي ومتفائل 🤍🫶🏻

علي🖤⭐ :

روحي ابو حسون

رزان🦋🎀 :

الله يريح بالك بجاه الحسين

علي ال هادي :

🥰🥰🥰

مـاريـا✨🌚 :

🥰🥰♥️♥️♥️♥️

𓆩𝐀𓆪 :

🌹🌹

لـافيـرا🪷 :

💔