@dailyreposts05: أهو ده بالظبط اللي حصل معايا في نهايات الحكاية. أنا كنت الشخص الوحيد اللي خايف على الخراب، الشخص الوحيد اللي لما كانت بتولع مشكلة، كنت باجي على كرامتي ونفسيتي، وأبلع الكلمة، وأقدم السبت والأحد عشان الحريقة تِهدى والمركب تكمل بينا. كنت بطفي بمية طيبتي وأصلي.. والطرف التاني مع كل الناس اللي حواليه، مكنش وراهم صَنعة غير إنهم يرموا بنزين! يقلبوا في القديم، ويشحنوا النفوس، ويخلقوا من الغلطة الصغيرة كابوس ملوش أول من آخر. والصدمة فين بقى؟ الصدمة لما الرماد هِدي والحكاية قفلت.. لقيت الكل واقفين بيطبطبوا على بعض، وكله بيشكر في كله، وكله طلع ملايين ونضاف وفي منتهى الأصول.. إلا أنا! أنا الوحيد اللي طلعت غلطان، وأنا الوحيد اللي طلعت وحش وخربت الدنيا، عشان بس مأفورتش زيهم وممثلتش دور الضحية وسط الناس. هما شكروا اللي ولعوها، ونسيوا الإيد الوحيدة اللي اتلسعت وهي بتحاول تِطفي وِساخ تصرّفاتهم. بس أنا مكسوف ليهم والله.. مكسوف لقلة أصلهم وبجاحتهم. طز في شكركم، وطز في عينكم اللي مابتشوفش غير اللي على هواها. أنا كفاية عليا إني خارج من الحكاية دي وضامري صافي قدام ربنا، راسي في السما ومفيش مخلوق كاسر عيني ولا ماسك عليا قلة أصل. سيبت ليكم الحريقة باللي فيها، وروحت أنا للبحر والنضافة اللي تشبهني.. ومسير الأيام تولع فيكم من تاني، وساعتها لفوا الدنيا كلها ومحش هيعبركم بنقطة مية. #ريبوست

𝐉𝐔𝐒𝐓 . 𝐑𝐄𝐏𝐎𝐒𝐓

Open In TikTok:

Region: EG

Friday 12 June 2026 18:59:09 GMT