ሁሉም ቅርበት ፍቅርን አይወልድም፤ አንዳንዱ ቅርበት ዋጋን ያሳጣል። አንዳንድ ሰዎች ከሩቅ ሲታዩ ኮከብ ይመስላሉ፤ በጣም ሲቀርቡ ግን የራሳቸውን ብርሃን ያጠፋሉ። ያለ ልክ መገኘት አንዳንድ ጊዜ መከበርን ያሳጣል፤ ያለ ልክ መቅረብም ድንበርን ያፈርሳል። በመጀመሪያ ያከብሩሃል፤ ከዚያ ይለምዱሃል፤ ከዚያም ዋጋህን ይረሳሉ። በየጊዜው የምትገኝ ከሆነ፣ መገኘትህ ስጦታ ሳይሆን ልማድ ይሆናል። ሁልጊዜ የምትስማማ ከሆነ፣ አስተያየትህ ዋጋውን ያጣል። ሁልጊዜ የምትታገስ ከሆነ፣ ትዕግሥትህ እንደ ድክመት ሊቆጠር ይችላል። ሁልጊዜ የምትሰጥ ከሆነ፣ መስጠትህ እንደ ግዴታ ይቆጠራል። ርቀት ጥላቻ አይደለም፤ ርቀት አንዳንድ ጊዜ ክብርን የሚጠብቅ ጥበብ ነው። ዝምታ ንቀት አይደለም፤ አንዳንድ ጊዜ ክብርን የሚያድን ብልህነት ነው። ሁሉንም በሙሉ ለሁሉም መግለጽ ቅንነት አይደለም፤ የራስን ዋጋ ማስረከብ ሊሆን ይችላል። እውነተኛ ፍቅር ርቀትን አይፈራም፤ እውነተኛ ክብር በየደቂቃው መታየትን አይፈልግም። ፀሐይ በየሰከንዱ አትወጣም፤ ስትወጣ ግን ዓለምን ታበራለች። ወርቅም በየመንገዱ ስለማይበተን ነው ውድ የሆነው። አንተም ዋጋህን ለመጠበቅ የራስህን ድንበር ማወቅ አለብህ። ሰዎችን ውደድ፤ ግን ራስህን አታሳንስ። ቅረብ፤ ግን ድንበርህን አታፍርስ። መቀራረብ መናናቅን ካመጣ፣ በክብር ራቅ፤ ምክንያቱም የሚጠበቅ ዋጋ አለው፣ የሚረከስ ደግሞ ዋጋውን ያጣል። ይህ የእኔ እይታ ነው✍️ ቀጣይ ሌሎች እይታዎች እንዲደርስዎ "የእኔ እይታን" follow, lole and share በማድረግ ቤተሰብ ይሁኑ #foryou #fyp #viral #fypシ #viralvideo - @viewer_1221