@fan.h.e.yan.sovan: ទឹកព្រះទ័យមេត្តាធម៌ និងស្នាមញញឹមនៃក្តីសង្ឃឹមរបស់ព្រះអង្គម្ចាស់ នរោត្តម ចក្រាវុធ ជាមួយក្មួយៗកុមារកំព្រានៅខេត្តសៀមរាប! ♥️🇰🇭 ពិតជាទិដ្ឋភាពដ៏សែនកក់ក្តៅ នារសៀលថ្ងៃទី១២ ខែមិថុនា ឆ្នាំ២០២៦នេះ ព្រះអង្គម្ចាស់ នរោត្តម ចក្រាវុធ ឯកអគ្គរាជទូតអមព្រះរាជខុទ្ទកាល័យព្រះមហាក្សត្រ រួមជាមួយព្រះអនុជ ព្រះអង្គម្ចាស់ក្សត្រិយ៍ នរោត្តម រតនាទេវី បានយាងចុះជួបសួរសុខទុក្ខ សំណេះសំណាលយ៉ាងជិតស្និទ្ធជាមួយក្មួយៗកុមារជាង ១០០នាក់ និងទតការសម្តែងរបាំប្រពៃណីខ្មែររបស់ក្រុមសិល្បៈពន្លឺកុមាររុនតាឯក នៅសង្កាត់រុនតាឯក ក្រុងរុនតាឯក ខេត្តសៀមរាប ។ ក្នុងឱកាសដ៏នក្ខន្តឬក្សនៃពិធីនេះ ព្រះអង្គម្ចាស់ បានសម្តែងព្រះហឬទ័យរីករាយ និងកោតសរសើរនូវទេព្យកោសលដ៏ប៉ិនប្រសព្វរបស់ក្រុមសិល្បះ ដែលជាកុមារក្រីក្រទាំងអស់ ដែលបានខិតខំសិក្សារៀនសូត្រទាំងមុខ វិជ្ជាចំណេះដឹងទូទៅ និងសិល្បៈ វប្បធម៌របស់ប្រពៃណីជាតិខ្មែរយើង។ ដើម្បីអបអរសាទរ និងរម្លឹកគុណូបការៈដ៏ថ្លៃថ្លាក្នុងឱកាសព្រះរាជពិធីបុណ្យចម្រើនព្រះជន្មវស្សា សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ គម្រប់៩០ យាងចូល៩១ ព្រះវស្សាដែលនឹងឈានចូលមកដល់ថ្ងៃខាងមុខនេះ ព្រះអង្គទាំងទ្វេ បាននាំយកនូវព្រះអំណោយជាថវិកា ១លាន៥សែនរៀលសម្រាប់ឧបត្ថម្ភដល់មជ្ឈមណ្ឌលប្រើប្រាស់ដើម្បីជួយសម្រាលការលំបាកប្រចាំថ្ងៃ និងថវិកាជូនក្មួយកុមារកំព្រាចំនួន១០០នាក់ ក្នុងម្នាក់ៗទទួលបាន ១ម៉ឺនរៀល ព្រមទាំងកាដូអនុស្សារីយ៍ម្នាក់មួយៗផងដែរ។ ព្រះសកម្មភាពមនុស្សធម៌ដ៏ឧត្តុង្គឧត្តមនេះ មិនត្រឹមតែនាំមកនូវព្រះអំណោយប៉ុណ្ណោះទេ ប៉ុន្តែថែមទាំងបានផ្ដល់នូវការលើកទឹកចិត្ត ក្តីស្រឡាញ់ និងភាពកក់ក្តៅយ៉ាងជ្រាលជ្រៅដល់ក្មួយៗដែលជាទំពាំងស្នងឫស្សីដ៏មានតម្លៃរបស់ជាតិដែលកំពុងស្នាក់នៅទីនេះឱ្យខិតខំរៀនសូត្របន្តទៅមុខទៀត។🇰🇭✨ #ព្រះអង្គម្ចាស់នរោត្តមចក្រាវុធ #ព្រះអង្គម្ចាស់ក្សត្រិយ៍នរោត្តមរតនាទេវី #ទឹកព្រះទ័យមេត្តាធម៌ #កម្ពុជា #ក្តីស្រឡាញ់

Fan H.E Yan Sovanna

Open In TikTok:

Region: KH

Saturday 13 June 2026 01:39:56 GMT