@musicmagazine1: مين الشخص اللي مقدرتش تنزل تدفنه يا أحمد؟ = واحد بس، الأتـب اللي كان طالعلي بقاله 26 سنة. لدرجة إني لما عرفت افتكرته بيهزر والله، عشان إحنا كان هزارنا تقيل مع بعض. 26 سنة وإحنا مع بعض ومرازيـ.ـين بعض زي ما بيقولوا. فده الوحيد اللي حتى الدكتور أشرف زكي يومها استغرب جداً. قولتله: "أنا رجلي مش شيلاني، مش هقدر". قالي: "يعني مش هتنزل تد.فن سليمان عيد؟" قولتله: "أدفن نفسي إزاي؟" احكيلنا لحظة ما عرفت الخبر، إيه اللي حصل؟ = كنت نايم، وأنا لما بنام بخلي الموبايل مفتوح عشان الطوارئ، بس كنت عامله صامت. صحيت الصبح ببص على الموبايل، لقيت أشرف زكي، وبعدين لقيت روجينا. قولت: "لا كده فيه كار.ثة!" رديت على روجينا، قالتلي: "يا أحمد إنت صاحي؟" قولتلها: "يا روجينا أنا صاحي، فيه إيه؟" قالت: "طيب…" وأدت السماعة لأشرف زكي، وأنا ضربات قلبي بقت سريعة. فلقيت دكتور أشرف زكي بيقولي: "يا أحمد" قولتله: "إيه؟" قالي: "البقاء لله" قولتله: "في مين؟" قالي: "صاحب عمرك" قولتله: "مين؟" قال لي: "سليمان" قولتله: "يا أشرف، سليمان واقف جنبك، ودي رزايـة دمها تقيل على الصبح وما ينفعش. وأنا عارف الهزار السخـ.ـيف، وأنا هزاري أسخف، فهنام وأقوم أردهالك." قال لي: "والله العظيم سليمان تـوفـى، الصلاة في الحتة الفلانية كذا." عملت إيه لما روحت الـجـنـازة؟ = لبست ونزلت، ووصلت الجامع. في اللحظة دي أدركت إن سليمان مـات فعلاً. دخلت والخطبة شغالة، ووصلت لحد الخشبة، وبصيتله وقلتله: "كده خلاص، أنا بقيت بطولي في الدنيا، مفيش حد معايا." وليه مقدرتش تنزل المدافن؟ = وقفت بعيد، وقالولي: "يا أحمد انزل" قولتلهم: "لا، مش نازل." مش قادر. ده هو اللي كان دايماً بينزل معايا في كل الـجـنـازات. توصف سليمان عيد بإيه؟ = الله يـرحـمـه ويحسن إليه. سليمان ده نموذج للي مش هيتحاسب، ده داخل الجنة على مسؤوليتي الشخصية. أنا عشت معاه أكتر من أهله، وهو عاش في بيتي أكتر ما عاش مع حد تاني، وكان جاري. كنت دايماً أقابله في الجامع، وفي رمضان كان حريص جداً على القيام والتهجد. أخلاقيات سليمان، وطيبة قلبه، وجدعنته… ملوش زي.

Music Magazine

Open In TikTok:

Region: EG

Saturday 13 June 2026 06:31:01 GMT