@myamyaookhin: မွေးနေ့လက်မှတ်နဲ့ ပတ်သက်လို့ မပြောချင်ပေမယ့် ကိုယ့်မင်းသားရဲ့တန်ဖိုးကို ကိုယ့်လူတွေကပဲနှိမ့်ချသလို ဖြစ်နေလို့ပါ။ အနယ်နယ်အရပ်ရပ်မှာ စမ်းရေမိုးသဘင် ကြည့်လို့ရအောင် မိုးရာသီတောင်မနားပဲ ကနေတဲ့ မင်းသားပါ။ ဖျာတချပ်အမြင့်ဆုံး၃သိန်းကနေ၅သိန်းပေးရှေ့ကနေ ကြည့်ကြတယ်။ ရန်ကုန်မြို့အမျိုးသားပြဇတ်ရုံမှာက ခမ်းနားထည်ဝါလှသလို အဆင့်မြင့် အဲယားကွန်းနဲ့ ဆိုဖာခုံနဲ့ ကြည့်ကြရတယ်။ ပထမပွဲတုန်းက ကျွန်မတို့တောင် တစ်သိန်းတန်ခုံကြည့်ပြီး အားပေးခဲ့ကြသေးတာပါ။ ရှေ့ဆုံးတန်းလက်မှတ်တွေ ဝယ်မရလို့ ၊တန်းစီမဝယ်နိုင်လို့ ရရာနေရာကနေ သားကိုအားပေးခဲ့တယ်။ အခု လက်မှတ်ပြဿနာက သားရဲ့ဂုဏ်တစ်ခုကို ထပ်မြှင့်တင်တဲ့ပွဲလို့ မြင်မိတယ်။ နိုင်ငံတကာမှာ အော်ပရာဇာတ်ပွဲကိုကြည့်ချင်ရင် အဆင့်မြင့်ဇာတ်ရုံကြီးတွေမှာ ပွဲလက်မှတ်ကို တန်ဖိုးကြီးပေးဝယ်ကြည့်ရတယ်။ နာမည်ကြီး ကိုးရီးယားအဆိုတော်တွေ Showပွဲကြည့်ဖို့ လက်မှတ်ကိုအများကြီးဈေးပေးဝယ်ပြီးမှကြည့်ကြရတယ်။ လက်မှတ်ကိုထိုက်သင့်တဲ့တန်ဘိုး ပေးမကြည့်နိုင်လို့ ကွင်းအပြင်ဘက် LEDရှေ့တွေမှာလည်း ပရိသတ်မနည်းမနောပါပဲ။ အနုပညာကို ဈေးပေါပေါပေးချင်ကြတာမျိုး မဖြစ်စေချင်လို့ပါ။ ဒီပွဲမှာ အကျိုးအမြတ်က ကန်ထရိုက်တစ်ဦးထဲရတာမဟုတ်ပါဘူး။ ကန်ထရိုက်ရယ်၊ဇာတ်ဆရာနဲ့ဇာတ်အဖွဲ့ရယ်၊သားစမ်းရေမိုးရယ် ရကြမှာပါ။ တနေ့ကို ခုံတထောင် ပထမရက်က ကပြသင့်ပြထိုက်သူကိုကပြမယ့်ပွဲ။ ကျန်သုံးရက် ခုံသုံးထောင် ရန်ကုန်မှာကြည့်ကြမယ့်သားရဲ့ပရိသတ်ကို ရုံမပြည့်မှာစိတ်ပူပြီးပြောနေကြတာ နားလည်ပါတယ်။ ဒါဟာ သားရဲ့တန်ဖိုးကိုမြှင့်တဲ့ပွဲ၊ ဂုဏ်ယူရမယ့်ပွဲ ဖြစ်ပါတယ်။ ကျွန်မကိုယ်တိုင် တတ်နိုင်တဲ့နေရာကခုံဝယ်ပြီး ပဲခူးကနေ သွားအားပေးမှာပါ။ အားလုံး သားဆိုတဲ့ သူဌေးဝါဒသီချင်းလိုပဲ ဆန္ဒသာ အားကြီးသူဖြစ်ပါစေ။ ရွှေငွေ ချမ်းသာ စည်းစိမ်ဥစ္စာများ မထင်မှတ်ပဲ ဝင်လာပြီး သားမွေးနေ့ပွဲကို အားလုံးအတူ ဆင်နွဲနိုင်ကြပါစေနော်။ မြမြဦးခင် #စမ်းရေမိုးကိုချစ်တဲ့မေမေများ #လင်္ကာဒီပသဘင်နဲ့အမျိုးသားဇာတ်ရုံ @San Yay Moe @shwekwett @Nan Nan 💦

MyaMyaOoKhin

Open In TikTok:

Region: MM

Saturday 13 June 2026 06:45:29 GMT