@kyo.nova: မင်းပျော်ရင် ရပါပြီ... ကိုယ့်ဘက်က ဘာမှမတောင်းဆိုတော့ပါဘူး။ မင်းရယ်နေတာကို မြင်ရရင်... မင်းအဆင်ပြေနေတာကို သိရရင်... ကိုယ့်ရင်ထဲမှာ နာကျင်နေပေမယ့် တိတ်တိတ်လေး ကျေနပ်ပေးနိုင်ပါတယ်။ တခါတလေတော့ ကိုယ်စဉ်းစားမိတယ်... ကိုယ်က မင်းဘဝထဲမှာ ဘာနေရာလေးတခု ရှိခဲ့ဖူးလဲလို့။ အရင်တုန်းကတော့ ကိုယ့်ကို မဆုံးရှုံးချင်တဲ့ပုံနဲ့ နေခဲ့ဖူးတယ်။ ကိုယ့်စကားတွေကို နားထောင်ခဲ့ဖူးတယ်။ ကိုယ့်အကြောင်းတွေကို စိတ်ဝင်စားခဲ့ဖူးတယ်။ ဒါပေမယ့် အခုတော့... မင်းရဲ့ပျော်ရွှင်မှုထဲမှာ ကိုယ်မပါတော့ဘူးဆိုတာ လက်ခံရတော့မယ်ထင်တယ်။ ကိုယ်နာကျင်တာက မင်းပျော်နေလို့ မဟုတ်ဘူး။ တကယ်တော့ ကိုယ်က မင်းကို ပိုင်ဆိုင်ချင်ခဲ့တာထက်... မင်းအနားမှာ ရှိနေပြီး မင်းကို ကောင်းကောင်းဂရုစိုက်ချင်ခဲ့တာ။ မင်းပင်ပန်းတဲ့အချိန် ကိုယ့်ကို ရှာစေချင်ခဲ့တာ။ မင်းဝမ်းနည်းတဲ့အချိန် ကိုယ့်ကို သတိရစေချင်ခဲ့တာ။ ဒါပေမယ့် အချစ်ဆိုတာ တစ်ယောက်တည်း ကြိုးစားနေလို့ မလုံလောက်ဘူးဆိုတာ နားလည်လာပြီ။ တစ်ယောက်ကလက် လွှတ်လိုက်တဲ့အချိန်မှာ... တစ်ယောက်က ဆက်ဖက်ထားနေလို့လည်း အဓိပ္ပါယ်မရှိတော့ဘူး။ ကိုယ်ကတော့ မင်းကို အပြစ်မတင်ချင်ဘူး။ မင်းရွေးချယ်တဲ့လမ်းကိုလည်း မတားချင်ဘူး။ မင်းပျော်ရင်... အဲ့ဒီပျော်ရွှင်မှုက ကိုယ့်ကြောင့်မဟုတ်ရင်တောင် ကောင်းပါတယ်။ တချို့လူတွေက ကိုယ့်ဘဝထဲမှာ အမြဲနေဖို့မဟုတ်ဘဲ... တန်ဖိုးရှိတဲ့ အမှတ်တရတခုအဖြစ် ကျန်ခဲ့ဖို့ပဲ ဝင်လာကြတာလည်း ဖြစ်နိုင်တယ်။ မင်းကို ချစ်ခဲ့တဲ့အချိန်တွေကိုတော့ ကိုယ်မနောင်တရဘူး။ ဘာလို့ဆိုတော့ အဲ့ဒီအချိန်တွေမှာ ကိုယ်တကယ်ရိုးသားခဲ့လို့။ အခုတော့ မင်းရှေ့ဆက်ပါ။ ပျော်ပါ။ ရယ်ပါ။ ကိုယ်မပါတဲ့ဘဝကိုလည်း အေးအေးချမ်းချမ်း ဖြတ်သန်းပါ။ ကိုယ်ကတော့ နာကျင်တာလေးတွေကို ကိုယ်တိုင်သိမ်းပြီး... တစ်နေ့နေ့မှာ မင်းကို သတိရရင်တောင် မနာကျင်တော့တဲ့အချိန်ကို စောင့်နေပါ့မယ်။ မင်းပျော်ရင်... ကိုယ်လည်း ရပါပြီ... 🖤🥀 #deepfeelings #letgo #yourhappiness #sadlove #fypviralシ

Kuro Shadow

Open In TikTok:

Region: TH

Saturday 13 June 2026 06:51:05 GMT