حضرت عبداللہ ذوالبجادین رضی اللہ عنہ، تاریخِ اسلام کے وہ خوش نصیب اور جلیل القدر صحابی ہیں جنہیں بارگاہِ رسالت میں وہ مقام اور لاڈ ملا جو بڑے بڑے جلیل القدر صحابہ کے حصے میں بھی نہ آ سکا۔ اسلام لانے سے پہلے وہ مکہ کے ایک انتہائی امیر اور ناز و نعم میں پلے بڑھنے والے نوجوان تھے، جن کا اصل نام عبدالعزیٰ تھا، لیکن اللہ اور اس کے رسول ﷺ کی محبت میں انہوں نے دنیا کی ہر دولت کو خاک برابر سمجھا۔ جب انہوں نے اسلام قبول کرنے کا فیصلہ کیا، تو ان کے چچا شدید غصے میں آ گئے اور کہنے لگے کہ اگر تم محمد (ﷺ) کا دین قبول کرو گے تو میں تم سے سب کچھ چھین لوں گا۔ حضرت عبداللہؓ نے فرمایا کہ مجھے دنیا کی کوئی دولت نہیں چاہیے، مجھے صرف میرا اسلام چاہیے۔ چچا نے غصے میں آ کر ان کے جسم کے کپڑے تک اتروا لیے۔ اس سچے عاشق نے ہار نہیں مانی، اپنی ماں کی ایک پرانی کمبل نما چادر لی، اس کے دو ٹکڑے کیے، ایک ٹکڑا نیچے باندھا اور دوسرا اوپر اوڑھا اور اسی حالت میں پیدل ہجرت کر کے مدینہ منورہ آقا ﷺ کے پاس پہنچ گئے۔ جب آقا علیہ الصلوٰۃ والسلام نے اپنے اس دیوانے کو دو چادروں میں لپٹے دیکھا، تو آپ ﷺ کا دل بھر آیا۔ حضور ﷺ نے ان کا نام بدل کر "عبداللہ" رکھا اور لقب دیا "ذوالبجادین" (یعنی دو چادروں والا)۔ غزوۂ تبوک کے موقع پر جب حضرت عبداللہؓ کا انتقال ہوا، تو رات کا وقت تھا۔ حضرت بلالؓ ہاتھ میں مشعل لیے کھڑے تھے اور اندھیری رات میں قبر کھودی جا رہی تھی😭🌸 تاریخ گواہ ہے کہ مدینہ کے سلطان، رحمتِ عالم ﷺ خود اپنے مبارک ہاتھوں سے اس غریب صحابی کی قبر کے اندر اترے، ان کے جسدِ مبارک کو سہارا دیا اور رو کر بارگاہِ الٰہی میں عرض کیا: "یا اللہ! میں اس عبداللہ سے راضی ہوں، تو بھی اس سے راضی ہو جا"۔ یہ منظر دیکھ کر حضرت عبداللہ بن مسعودؓ رو پڑے اور تڑپ کر بولے: "خدا کی قسم! کاش اس قبر میں آج عبداللہ کی جگہ میں لیٹا ہوتا اور آقا میرے لیے یہ دعا فرما رہے ہوتے🥹🤲✨️ اے اللہ! ہمیں بھی حضرت عبداللہ ذوالبجادین رضی اللہ عنہ جیسا پکا ایمان، اخلاص اور دنیا کی ہر چیز پر دین کو ترجیح دینے کا جذبہ عطا فرما آمین یا رب العالمین۔🤍 #islamic_video #foryoupage #viral - @prettysoul530