الما اتزوجت شايفه الزواج هو الحل الاتزوجت ،،،،،، تبكي وتكوس تنحل عندي سؤال ، ومحتار فيهو داير حل المرتاح منو ،، ووينو، وفي اي محل؟! خلك ديمه ، بين عكر الحياة و صافيها شاكر سمحها ،،،،،،، وصابر على جافيها ب السب والسخط نعم الله ما تكافيها العندك في ناس ،،،،،،، لسع بفتشو فيها ماتقول داك مِرطب ، وداك بناها كباري وداك راكب حديده انا ماني زيو خباري لو بي فول فطرت ، دي نعمه من الباري غيرك ياما واحدين قاعد اصومو إجباري الطمع ان تِبعتو ،، وفيك صِبح مُتمكِن تاني الصافي في عينيك بيبقى مُدكِن ما دامك نصيح ،، وين ما تدور بتركِن احمد ربك ،،،،، الغيرك بنوم بي مسكن الشقي والبدور ،،،، في الدنيا يكتر ندمو إقعُد اراعي مال غيرو وقصورو وخدمو الما عندو مركِبه ،،،،،،،، عندو نعمة قدمو الهِدم المُشرط اخير ،،، كتير من عدمو احمد ربك الوهاب ،،،،،،،،،،،، أذن وقيم اشُكّر النعمه ،، بي الشُكر النعم بتقيم جناك الشايفو هايف وقلت فهمو سقيم دي نعمه عظيمه ،،،،، بتمناها الف عقيم ما تقول لي فلان فوقو النعم مكبوبه ولا عِلان مرطب ،، وعندو كم محبوبه لو اوضتك مِتلجه ،،،، ولا دافي هبوبه غيرك للنفس ،،،،،،،،،،،،، رابطلهن انبوبه اقبل بي النصيب ،،،،، الدنيا كلها عرضه طالت ولا قصرت ،،،، حا تمش مِنقرضه ان ما لقيت سرير ب نومة الوطه ارضى غيرك في العنابر ،،،، ياما راقدين مرضى ما تباري الطُغات، الكفره ناس لينين رزقك كلو مكتوب ، قبل تبقى جنين الفلس البكيت منو ،،،،، وقعدت تنين غيرك ياما ناس صابرين عليهو سنين ما تقول ديك نعيمن فوق عليهن هاطل وديل قاعدين إسرقو ، وتتهمن ب الباطل المِهن المعاك ،،،،،،،،،،،، المنهن مِتماطل دي نعمه كبيره ،،، بتمناها مليون عاطل مراتب الحمد حاول ،،،،،،،،واجتهد ترقاها سعادة الروح رضى وعدم القناعه شقاها لو ماليك غير غرفه ،،،،،، بتنوم في تقاها غيرك في البكوس ،،،،،،، راكوبه ما بلقاها بجيك لابد نصيبك ماشي بي رجليهو والما ليك بغلبك ، قدر ما تكوس ليهو بدل الزول احسد الفوقو، احسن ليهو يعد نعمو ويعاين ،،،، في الاقلا عليهو يومك عيشو بهجة كانو يوم العيد عمرك ما يضيع منك خصام و وعيد الشال القناعه ،،،،،،، رماها منو بعيد لو الدنيا جت في جيبو ماهو سعيد #شعراء_وذواقين_الشعر_الشعبي #دوبيت_سوداني #باحوت،والابداع، #بشاقرة_الخير_سلام💔💔 #creatorsearchinsights - @abu___qattouf511