@2710_norr1n: Juice WRLD (Jarad Anthony Higgins) ဟာ သူ့ရဲ့သီချင်းတွေနဲ့ ကမ္ဘာတစ်ဝှမ်းက သန်းပေါင်းများစွာသော လူငယ်တွေရဲ့ စိတ်ဒဏ်ရာ၊ သောကနဲ့ စိတ်ဓာတ်ကျမှုတွေကနေ ''ငါတစ်ယောက်တည်း ဒါမျိုးခံစားနေရတာမဟုတ်ပါလား" ဆိုပြီးစိတ်သက်သာရာရအောင် ကုစားပေးနိုင်ခဲ့ပေမဲ့ သူကိုယ်တိုင်ခံစား​ရေတဲ့ စိတ်​ဝေဒနာ ၊ သောကနဲ့ စိုးရိမ်မှုတွေကနေ လူသန်းပေါင်းများစွာက မကယ်တင်ပေးနိုင်ခဲ့ပါဘူး။ Juice WRLD (Jarad Anthony Higgins) ကို ၁၉၉၈ ခုနှစ်၊ ဒီဇင်ဘာလ ၂ ရက်နေ့မှာ အမေရိကန်နိုင်ငံ၊ အီလီနွိုက်ပြည်နယ်၊ ချီကာဂိုမြို့မှာ မွေးဖွားခဲ့ပါတယ်။ သူဟာ ငယ်စဉ်ကတည်းက ဂီတနဲ့ ပတ်သက်ရင် ပါရမီပါခဲ့သူတစ်ယောက် ဖြစ်ပါတယ်။ ​သူ့ကို ဘာသာရေး အလွန်ကိုင်းရှိုင်းတဲ့ မိခင်ဖြစ်သူက တစ်ဦးတည်းသောသားအဖြစ် တင်းကြပ်စွာ ပြုစုပျိုးထောင်ခဲ့ပါတယ်။ ဒါကဘဲသူ့ကို ပိုပြီး ဂီတနဲ့ထိတွေ့ချင်စိတ်ဖြစ်လာအောင်လုပ်ခဲ့တဲ့ အဓိက အကြောင်းအရင်းဖြစ်ပါတယ်။​သူဟာ ငယ်ငယ်ကတည်းက ပီယာနို၊ ဂစ်တာနဲ့ ဒရမ်တွေကို တီးခတ်တတ်ခဲ့ပါတယ်။အထက်တန်းကျောင်းတက်နေတဲ့ အချိန် (၂၀၁၅ ခုနှစ်) မှာတော့ SoundCloud ကနေတစ်ဆင့် "JuiceTheKidd" ဆိုတဲ့ နာမည်နဲ့ သီချင်းတွေကို စတင်လွှင့်တင်ခဲ့ပါတယ်။ ​၂၀၁၇ ခုနှစ်မှာ သူ့ရဲ့ နာမည်ကျော် "Lucid Dreams" နဲ့ "All Girls Are the Same" သီချင်းတွေကို ထုတ်လုပ်ခဲ့ပြီးနောက် အင်တာနက်ပေါ်မှာ လျှပ်စီးလိုလျှင်မြန်တဲ့အောင်မြင်မှုရရှိခဲ့ ဟုန်းဟုန်းတောက်အောင်မြင်ကာ လူကြိုက်များသွား​စေခဲ့ပါတယ်။ ​အောင်မြင်မှုတွေ အရှိန်အဟုန်နဲ့ ရရှိနေပေမဲ့ သူဟာ ငယ်စဉ်ကတည်းက ခံစားခဲ့ရတဲ့ စိတ်ကျရောဂါ၊ စိုးရိမ်သောက တွေနဲ့အတူ စိတ်ဒဏ်ရာတွေကို ကုစားဖို့ မူးယစ်ဆေးဝါး သုံးစွဲတဲ့ အကျင့်ဆိုးရဲ့ ဝါးမြိုခြင်းကို ပြင်းပြင်းထန်ထန် ခံခဲ့ရပါတယ်။ ​သူ့ရဲ့ သီချင်းစာသားအများစုမှာလည်း ဒီလိုစိတ်ပိုင်းဆိုင်ရာ ရုန်းကန်နေရမှုတွေနဲ့ မူးယစ်ဆေးရဲ့ အန္တရာယ်တွေကို ပွင့်ပွင့်လင်းလင်း ရေးစပ် သီဆိုခဲ့ပါတယ်။ နောက်ဆုံးမှာတော့ အသက် ၂၁ နှစ်အရွယ် Juice Wrldဟာ ချီကာဂို Midway အပြည်ပြည်ဆိုင်ရာလေဆိပ်မှာ ၂၀၁၉ ခုနှစ်၊ ဒီဇင်ဘာလ ၈ ရက်နေ့မှာ ဆေးလွန်တဲ့ဒဏ်ကြောင့် ရုတ်တရက် ကွယ်လွန်သွားခဲ့ရပါတယ်။ #fyp #music #juicewrld #viral #foryoupage

n0rr1n

Open In TikTok:

Region: MM

Saturday 13 June 2026 10:43:21 GMT