@.yarzadhamma: "ဘယ်ဆက်ဆံရေးမဆို ပါးစပ်မှာ စည်းကမ်းလေးတော့ ထားစေ ချင်ပါတယ်။ စကားမရှုပ်ခြင်းဟာ လူမှုရေးအရ အဆင့်အတန်း မြင့်မားတဲ့ ကျင့်ဝတ်တစ်ခုပါ။ တနည်းအားဖြင့် ပါးစပ်ကို စည်းထားတာပါ။ ပါးစပ်ကို စည်း ထားတာက ပြဿနာလည်း နည်းစေပါတယ်။ တချို့တွေက တစ်ဖက်သားပြောတဲ့ စကားတွေကို သယ်ဆောင်ပြီး အခြား တစ်ယောက်ကို ပြန်ပြောတာ ထိုသူကလည်း နောက်အခြားတစ်ယောက်ကို ပြန်ပြောတာ အဲ့ ဒီလို အဆင့်ဆင့် စကားကို သယ်ဆောင်သွားခြင်းက စကား တွေကို ကားလာစေပြီး နောက်ဆုံး စကားရဲ့ မူလ အဓိပ္ပါယ်ပါ ပျောက်ဆုံးသွားစေနိုင်ပါတယ်။ မူလအဓိပ္ပါယ်ပျောက်ဆုံးသွားတာနဲ့အမျှ အဲ့ဒီစကားတွေကြော င့် တစ်ဦးနဲ့တစ်ဦး နားလည်မှုတွေ လွဲနိုင်သလို ယုံကြည်မှုတွေ ကင်းမဲ့ပြီး ပြဿနာတွေလည်း ဖြစ်လာနိုင်ပါတယ်။ လူ့အသိုင်းအဝိုင်းမှာ နေထိုင်တဲ့အခါ တစ်ယောက်အကြောင်း တစ်ယောက် ပြောမိဆိုမိတာ (အတင်းပြောတာ)ကတော့ လူ့ သဘာဝအရ ရှိတတ်ကြပေမယ့် စကားရှုပ်တာကတော့ လူမှုရေး ဖောက်ဖျက်မှုတစ်ခုလို့ သ,တ် မှတ် နိုင်ပါတယ်။ စကားရှုပ်တာဟာ တကယ့်ကို အဆင့် အတန်း မရှိတဲ့ လုပ်ရပ်တစ်ခု၊ စိတ်သဘောထား သိမ်ဖျင်းသူ တွေရဲ့လုပ်ရပ် ဖြစ်တယ်ဆိုတာ နားလည်ထားဖို့ လိုပါမယ်။ ကိုယ့်ဆီလာပြောတဲ့ စကားတစ်ခွန်းကို အခြားတစ်ဖက်ဆီ အရိပ်အမြွက်မျှတောင် ပြန်မသယ်ပဲ ထိန်းသိမ်းနိုင်ခြင်းက အင်မတန် ရင့်ကျက်တဲ့ အပြုအမူဖြစ်တယ်။ အဆင့်အတန်းရှိတဲ့သူလို့လည်း ဆိုနိုင်ပါတယ်။ ကိုယ်နဲ့ မဆိုင်တဲ့ကိစ္စမှာ နှုတ်ဆိတ်နေခြင်းက ကိုယ့်ရဲ့ အဆင့်အတန်းကို ဖော်ပြနေတာပါ။ စကားမသယ်ပါနဲ့စကားကို ထိန်းသိမ်းသူသာ ဖြစ်ပါစေ။ စကားပြောများရင်လည်း အမှားပါ တတ်ပါတယ်။ စကားက မလိုလျှင် မပြောတာ အကောင်းဆုံး ပါ။ စကားကို ကိုယ့်ဆီမှာတင် အဆုံးသ,တ်ပါ။ ဘယ်သူ့ဆီကိုမှ ယူဆောင်မသွားပါနဲ့။ နားထောင်ပေးခြင်းဖြင့် စကားလုံးတွေ ပျောက်ပျက်သွားပါစေ။ အဲ့ဒီစကားလုံးတွေကို ဆက်ပြီး မစီး ဆင်းပါစေနဲ့။ တစ်ဖက်စကား တစ်ဖက်ဆီ သယ်ဆောင်ခြင်းက ပြဿနာကို မဖြေရှင်းနိုင်ပဲ ပိုပြီးတော့သာ မီးလောင်ရာလေပင့် ဆိုသလို ပြဿနာက ပိုပြီးကြီးထွားသွားနိုင်တာကို သတိပြုစေချင်ပါ တယ်။ ကိုယ့်ဆီမှာတင် စကားရပ်တန့်သွားခြင်းက သင့်အပေါ် ယုံကြည်ခြင်းကို ခိုင်မာစေပါတယ်။ ယုံကြည်ထိုက်သူကိုသာ ရင်ဖွင့်ပါ။ ကိုယ်က ရင်ဖွင့်တော့မယ်ဆိုရင်လည်း ကိုယ့်စကား ကို လုံအောင်ထိန်းနိုင်မယ့် ယုံကြည်ရမယ့်သူမျိုးကိုပဲ ရွေးချယ် ပါ။ ရင်ဖွင့်တယ်ဆိုတာ ကိုယ့်ရဲ့ အားနည်းချက်ကို တစ်ဖက်လူ လက်ထဲ ပုံအပ်လိုက်တာဖြစ်လို့ စကား မပေါက်ကြားစေမယ့်သူ ဖြစ်ဖို့ အလွန်အရေးကြီးပါတယ်။ စကားနောက်မှာ ပြဿနာပါ မသွားအောင် နေထိုင်ခြင်းကသာ အေးချမ်းတဲ့ လူမှုဝန်းကျင်ကို ဖန်တီးနိုင်ပါလိမ့်မယ်။ ဒါကြောင့် သူတပါး စကားကို ခရီးထပ်ပြီး မဆန့်ပါစေနဲ့။ ပါးစပ် စည်းစော င့်ခြင်းဖြင့် အဆင့်အတန်း ရှိသူ ဖြစ်ပါစေ။ ဒါကြောင့် ဘယ်စကားကိုပဲဖြစ်ဖြစ် တစ်ယောက်ယောက်ကို ပြောတော့မယ်ဆိုရင် မပြောခင်မှာ အကြိမ်ကြိမ်အခါခါ စဉ်းစား ပြီး ပြောသင့်မှ ပြောတာက အကောင်းဆုံးပါပဲလို့ အကြံပြု လိုက်ပါရစေ"။ "ဒီလို Post မျိုးတွေ ထပ်ဖတ် ချင်ရင် ကျွန်တော်တို့ Page ကို Follow လုပ်ထားဖို့ မမေ့နဲ့ဦး နော်။" with respect - crd - မူရင်းရေးသားသူ #ThihaTinMaung #စာပေ #motivation #ဘဝအတွက်တန်ဖိုးရှိသောစာပေများ #fypdongggggggg

သောတုဇန (ရွှေလရောင်)

Open In TikTok:

Region: MM

Saturday 13 June 2026 11:36:00 GMT