@ba7re.1: برۆ بە دایکت بڵێ کورێک هەبوو کە من بووم، ئەو کورەی کە بە سادەیی هاتە ژیانتەوە بەڵام بە قورسییەکی زۆر لە دڵتەوە چووە دەرەوە، ئەو کورەی کە نەک تەنها خۆشیویستیت دەکرد، بەڵکوو ژیانی خۆی لە تۆدا دەبینی، هەموو خەونەکانی بە ناوی تۆ دەست پێدەکرد و بە ناوی تۆش کۆتاییان دەھات، من بووم ئەو کەسەی کە کاتێک هەموو خەڵک لە دژی تۆ بوون هەر لەگەڵ تۆ وەستام، کاتێک تۆ بێزار بوویت من گوێم لە بێدەنگییەکانت دەگرت، کاتێک تۆ خەمبار بوویت من خەمەکانتم لە دڵی خۆمدا هەڵدەگرت، چونکە من خۆشمویستیت نەک بە قسە، بە کردار و بە گیان.بڵێ کورێک هەبوو کە من بووم، ئەوەندە بە تۆوە سەرقاڵ بوو کە خۆی لەبیر کردبووەوە، خۆشی خۆی فەرامۆش کردبوو تەنها بۆ ئەوەی تۆ بخەندێیت، هەموو ئەو شتانەی دەیانویست پێت بڵێت لە دڵیدا شاردبوونەوە چونکە نەیدەویست دڵت قورس بێت، بەڵام ئەوەی لە ناخیدا کۆدەبووەوە هەر ڕۆژە و گەورەتر دەبوو تا گەیشتە ئەو شوێنەی کە دڵی خۆی شکاند.بڵێ من لە سۆزی تۆش تێپەڕیبووم، چونکە خۆشەویستیی من سنووری نەدەناسی، هەر شتێک لە پێناو تۆدا ئاسان بوو، هەر ئازارێک بۆم قبوڵ بوو ئەگەر تۆ باش بیت، هەر دوورییەک بۆم ئاسایی بوو ئەگەر تۆ دڵخۆش بیت، بەڵام کەس نازانێت چەند قورسە کە مرۆڤێک هەموو شتێکی خۆی ببەخشێت و لە کۆتاییدا هەست بکات هیچ شتێکی بۆ نەماوە.من بووم ئەو کورەی کە شەوانی زۆر بە ناوی تۆ بێخەو مایەوە، ئەو کورەی کە چاوەڕوانیی نامەیەکی بچووک یان پرسیارێکی سادەی دەکرد، ئەو کورەی کە هەموو کاتێک مۆبایلەکەی دەنگی دەکرد دڵی بە خێرایی لێدەدا بە هیوای ئەوەی تۆ بیت، بەڵام زۆرجار ئەو هیوا وەک هەموو شتەکانی تری ژیانی، بێ وەڵام دەمایەوە.برۆ بە دایکت بڵێ کورێک هەبوو کە من بووم، ئەو کورەی کە نەک دڵی شکاند، بەڵکوو بەشێک لە گیانیشی لەدەست دا، چونکە هەندێک خەڵک کاتێک دەڕۆن تەنها کەسێک جێناهێڵن، بەڵکوو شوێنێکی بەتاڵ لە ناخی مرۆڤدا جێدەهێڵن کە هیچ شتێک ناتوانێت پڕی بکاتەوە، من هەر ئەو شوێنە بەتاڵە لەگەڵ خۆم هەڵگرتووە تا ئێستا.ئێستا ئەگەر ڕۆژێک ناوم هاتەوە یادت، تەنها بڵێ کورێک هەبوو کە من بووم، کورێک کە بە هەموو هەست و دڵ و گیانی خۆی خۆشیویستیت کرد، کورێک کە هەرگیز داوای زۆری نەکرد، تەنها ویستی بمێنیت، بەڵام چارەنووس وای لێکرد کە بە هەموو ئەو خۆشەویستییە بێ سنوورەش تەنها بێدەنگی و یادی دوور بۆی بمێنێتەوە، یادی کەسێک کە جارێک بۆی هەموو دنیا بوو، بەڵام ئێستا تەنها بریندارترین بیرەوەریی ژیانیەتی...#ba7reeeeeeee #نەمویسط #brokeennnnnnn

مـچـی،

Open In TikTok:

Region: IQ

Saturday 13 June 2026 12:23:17 GMT