@mohamedalmwaly: واه ويلاه على زينب واه ويلاه ........................................ زينب والسبي الصار بده من ذبح أخوها تركض وسطة الخيل والعسكر ولــوهـــا هذا أيسب الحسين هذاك أيسب أبوهـــــــا حيره تتجه وين بالبـــــــــــــــر ركضوها تطيح وتلتفت الشمر يركض وراها بيده راس الحسين ويتبختر أجاهـــا واه ويلاه على زينب واه ويلاه ......................................................... ولوها والشمر صاح أحركوا كــــل خيمها وجيبوا أجفوف عباس وراس حسيــن يمها وجيبوا كل الأطفال وأسبوا كــــــل حرمها وحيده بـــــــلايا خوان بقت ويلي وهضمها زينب عالهزل خذوهــــــــا أميسره وي وادم غرب صعب تمشي المره واه ويلاه على زينب واه ويلاه .................................................. مشت مسبيه للشـــــــــــــام حيرة والله حيرة زينب بنت الاجــــــــــواد مشت زينب أسيرة بحبل مجتوفه يا حيــــــف أخت شيخ العشيرة ألمصيبة ضـــــــــــل الحسين ولموه بحصيرة راسه عالرمح مشــــى وعينه عليها شما طاحت يفز ويصب مدمع بجيها واه ويلاه على زينب واه ويلاه ......................................................... مشت وأصيـــــــــاح الأيتام عمه أشلون بينه هذا راس الحسين مــــــــــــــــــا ينزل يجينه عمه عمنه عباس مـــــــــــــــــــا يسمع بجينه فدوه عمه حاجيه تــــــــــــــــــره وليه أنولينه يويلي أمن الدمع نكع طارف عباها من حر الشمس الرمل حار وجواها واه ويلاه على زينب واه ويلاه ................................................ ويلي من أجـــــــــــه الليل وبده هندس ضلامه وحشه وحيره يا ناس نسوان ويتامـــــــــــــــــه ناموا بالخرايب عكب بيت الأمامـــــــــــــــــــه وزينب تنضر حسين راسه بــــــــــــــلا عمامه وتسولفله همس وتكله الحك عليه كبـــــل طبت القصر ضيعنه رقيه واه ويلاه على زينب واه ويلاه ..................................................... وصلت زينب السوك تمشي أهــــــــــلال جنها فرح وأدفوف وأطبــــــــــــــول وأيسألون عنها ما جنها أخت الحسين ولا مسبـــــــــــي ضعنها رموها ويلـــــــــــي بحجار ومدري شطاح منها ماتت من كبـــــل طبتها الدواوين لمن بالحجر صابوا راس الحسين واه ويلاه على زينب واه ويلاه .................................................. خادم خدمة الحسين الشاعر محمد الموالي

5366

188

2026-06-13 13:20:21

2026-06-13 19:40:25

2026-06-14 08:08:15

To see more videos from user @mohamedalmwaly, please go to the Tikwm homepage.