اكيد انا م عارفة كل الديتيلز بس ببساطة واختصار .. القصة بتحكي عن مرة بسيطة كانت عايشة في أرض ورثتها من أبواتها وأجدادها. في يوم جات جهة نافذة ومعاها عساكر وقرروا ياخدوا قطعة الأرض حقتها، وحست نفسها وقفت قدام ظلم كبير ما كانت قادرة تواجهو براها. في اللحظة ديك استنجدت ب(ود الجبل)، الزول المعروف بالشهامة والوقفة وقت الشدة. وطبعا ما اتوان ولا اتأخر ولا لحظة، وقف معاها،ورجع ليها ارضها!💜 . ومن شدة فرحتها وفخرها بموقفو، فقال الشاعر فيه بلسانا : التقيل ضراي جبلي وما بزح بقيف قبلي وحامي حماي أنا وتواصل تحكي كيف جاتها العساكر بالمعدات والقوة عشان ينتزعوا أرضها: جوني العسكر بطبنجات لودرين وكراكات صدر ليهم أب عاجات صدّت فاضية القلابات بتحكي كيف ود الجبل وقف قدام المسؤولين والقاضي بكل قوة : طين أبواتي وأجدادي جبلي الناضم القاضي خاطب لي المسؤولين لاب دبورة مو فاضي وتوصف مكانة ود الجبل بين الناس وسمعتو الطيبة: رشحوه لوزارات جبلي أب رسوة وأب عاجات ود عز قديم تيلاد ضمان كلمتو مو شيكات وتواصل في مدحو باعتبارو سندا لأصحاب الحقوق: الجموعي سيد الطين ساعي الشايل والوزين جبيل الطينة للسروراب وهول اجدادنا ساسي متين جبلي أب سندة لزوم القل كلاشو ومشطو كر فوق تل ثبت لي حقي حماي يسلم زندو ما ينشل وفي ختام الحكاية بتحكي كيف قابلت البلال صباحاً بعد ما انفرجت أزمتها لما استنجدتو وطلبت الفزع ففزعا وجفل العسكر: البلال صباح الخير صباح قابلني وقال لي خير قلت ليو الكَع أفزعني فزعني وجفل الخدير دي كانت حاجة مختصرة وبسيطة ولو عجبتكم خلونا ننفذها في باقي الاغاني !💜 #ملكة_الرق #اكسبلور #ترندات_تك_توك #ميادة_قمر_الدين @🇸🇩 ميادة قمرالدين🇸🇩 @Haitham Abbas-هيثم عباس - @alkazemia