အနေဝေးပြီး တကယ်ချစ်တဲ့ LDRS တစ်ခုဆိုတာက အချင်းချင်းကို မမြင်နိုင်တဲ့အချိန်တွေများပေမယ့် ရင်ထဲမှာတော့ အမြဲတမ်းနီးနေကြတဲ့ ခံစားချက်တစ်ခုပါ။ နေ့တိုင်းတွေ့နေတဲ့ relationship မဟုတ်လို့ လက်ကိုင်ပြီး လမ်းလျှောက်နိုင်တဲ့ အချိန်တွေမရှိဘူး၊ မျက်နှာချင်းဆိုင်ပြီး စကားပြောနိုင်တဲ့အခါတွေကလည်း နည်းပါတယ်။ တစ်ခါတစ်လေ ဖုန်းမပြောနိုင်တဲ့နေ့တွေ၊ message တောင် နောက်ကျသွားတဲ့အချိန်တွေရှိနိုင်တယ်။ အဲ့ဒီအချိန်တွေမှာ စိတ်ထဲမှာ “မေ့သွားမလား” ဆိုတဲ့ စိုးရိမ်မှုလေးတွေ ဝင်လာတတ်တယ်။ ဒါပေမယ့် တကယ်ချစ်တဲ့ LDRS ဆိုတာက အဲ့ဒီစိုးရိမ်မှုတွေထက် “မပျောက်သွားဘူး” ဆိုတဲ့ ယုံကြည်မှုကို ပိုရွေးချယ်နိုင်တာပါ။ LDRS တစ်ခုကို တည်မြဲအောင် ထိန်းထားနိုင်တာက ယုံကြည်မှု၊ စောင့်မျှော်နိုင်မှု၊ နားလည်မှုတို့ပါ။ အနားမှာမရှိတဲ့အတွက် သဝန်တိုမှု၊ မသေချာမှုတွေ ပိုများလာနိုင်တယ်။ ဒါကြောင့် စကားပြောပုံ၊ ပြောတဲ့စကားတိုင်းက အရေးကြီးတယ်။ တစ်ခါတစ်လေ “နေကောင်းလား” ဆိုတဲ့ စကားတစ်ခွန်းလေးကပဲ တစ်နေ့လုံးကို နည်းနည်းလေး ပိုနွေးထွေးစေနိုင်တယ်။ အနေဝေးနေပေမယ့် တစ်ယောက်နဲ့တစ်ယောက်ရဲ့ နေ့စဉ်ဘဝတွေထဲမှာ ပါဝင်နေကြတယ်။ မနက်ထတဲ့အချိန် “good morning” တစ်ခွန်း၊ ညအိပ်ချိန် “good night” တစ်ခွန်း သေးငယ်သလိုပေမယ့် ချစ်ခြင်းကို ဆက်တည်နေစေတဲ့ အရာလေးတွေပါပဲ။ တစ်ခါတစ်လေ အခက်အခဲတွေ ကြုံရတတ်တယ်။ စိတ်ပင်ပန်းတဲ့နေ့တွေမှာ အနားမှာ မရှိလို့ လက်ကိုင်ပြီး နှစ်သိမ့်ပေးလို့ မရဘူး။ ဒါပေမယ့် စကားတစ်ခွန်း၊ အသံတစ်သံကနေတစ်ဆင့် တစ်ယောက်ကိုတစ်ယောက် အားပေးနိုင်တယ် အဲ့ဒါလေးပဲ တချို့အချိန်တွေမှာ လုံလောက်နေတတ်တယ်။ တကယ်ချစ်တဲ့ LDRS ဆိုတာက “အနားမှာရှိမှ ချစ်တာ” မဟုတ်ဘဲ “အနားမရှိလည်း မပြောင်းလဲနိုင်တာ” ဖြစ်တယ်။ အကွာအဝေးက ခန္ဓာကိုယ်တွေကိုသာ ခွဲထားနိုင်ပြီး စိတ်နဲ့ ချစ်ခြင်းကိုတော့ မခွဲနိုင်ဘူး။ အရေးကြီးဆုံးကတော့ နှစ်ယောက်လုံးက တူညီတဲ့ ရည်ရွယ်ချက်တစ်ခုရှိရမယ် တစ်နေ့တည်းမှာ အတူရှိနိုင်မယ့် အနာဂတ်တစ်ခုကို မြင်နေကြတာပါ။ အဲ့ဒီအနာဂတ်ကို ယုံကြည်ပြီး အခုလက်ရှိ အကွာအဝေးကို ခဏတစ်ဖြုတ် လက်ခံထားကြတာပါ။ နောက်ဆုံးမှာတော့ တကယ်ချစ်တဲ့ LDRS တစ်ခုက အကွာအဝေးကြောင့် ပျက်သွားတာမဟုတ်ဘဲ အကွာအဝေးကြားထဲကတောင် ပိုခိုင်မာလာတတ်တယ်။ တစ်နေ့မှာ လက်ကိုင်နိုင်တဲ့အချိန်ရောက်လာရင် “စောင့်ခဲ့တာ မမှားဘူး” ဆိုတာကို နှစ်ယောက်လုံး ခံစားရမယ်။ #pyf #စာရှည် #foryoupage #HUKO #အားပေးသူတိုင်းကိုကျေးဇူးတင်ပါတယ်😘😘😘 - @evil20566