@mindin99999: ပြည်သူ့နေအိမ်များကို မီးတင်ရှို့ပြီး ပျော်ရွှင်နေကြသည့် စစ်အုပ်စုတပ်သားများ၏ ရုပ်သံဖိုင် လူမှုကွန်ရက်တွင် ပြန့်နှံ့ ‎ဧရာဝတီတိုင်းမ် ‎ဇွန် ၁၃ ရက် အာဏာသိမ်းစစ်အုပ်စုလက်အောက်ခံ တပ်ဖွဲ့ဝင်များက ပြည်သူပိုင် နေအိမ်များကို မီးတင်ရှို့ဖျက်ဆီးကာ ပျော်ရွှင်မြူးထူးနေကြသည့် ရုပ်သံဗီဒီယိုဖိုင်တစ်ခု လူမှုကွန်ရက်စာမျက်နှာများပေါ်တွင် ပျံ့နှံ့လာသည်။ အဆိုပါ ပျံ့နှံ့လာသည့် ရုပ်သံမှတ်တမ်းတွင် စစ်အုပ်စုတပ်သားများက ပြည်သူ့နေအိမ်များကို မီးရှို့နေစဉ်အတွင်း ၎င်းတို့ထဲမှ စစ်သားတစ်ဦးက ဖုန်းဖြင့် ဗီဒီယိုရိုက်ကူးကာ အားရဝမ်းသာ ပြောဆိုနေသည်ကို အထင်အရှား မြင်တွေ့ရသည်။ မြေပြင်တွင် စစ်အုပ်စုတပ်ဖွဲ့ဝင်များအနေဖြင့် စစ်ကြောင်းထိုးရာ လမ်းတလျှောက်ရှိ ကျေးရွာများမှ ပြည်သူ့နေအိမ်များကို မီးရှို့ဖျက်ဆီးလေ့ရှိကြောင်း ဒေသခံများနှင့် တော်လှန်ရေးအင်အားစုများက အစဉ်တစိုက် သတင်းထုတ်ပြန်လေ့ရှိသော်လည်း၊ ယခုဖြစ်စဉ်တွင်မူ စစ််အုပ်စုတပ်သားကိုယ်တိုင် ပြည်သူ့အိုးအိမ်များကို မီးရှို့ဖျက်ဆီးကာ လုပ်ရပ်အပေါ် ဂုဏ်ယူဝင့်ကြွားစွာ ရိုက်ကူးထားသည့် ရုပ်သံသက်သေ ထွက်ပေါ်လာခြင်း ဖြစ်သည်။ အဆိုပါ ရုပ်သံဖိုင်နှင့် ပတ်သက်၍ မည်သည့်ဒေသတွင် ရိုက်ကူးထားခြင်းဖြစ်သည်ကိုမူ အသေးစိတ် အတည်ပြုနိုင်ရန် ဆက်လက်စုံစမ်းလျက် ရှိပါသည်။ #မီးရှို့ #သက်သေ #စစ်အုပ်စု #

ရဲမှုးဘသာ

Open In TikTok:

Region: MM

Saturday 13 June 2026 14:58:33 GMT