#သွေးအေးလို့မနေသင့်ပြီ #ရှင်းလင်းချက် (#ဗုဒ္ဓဘာသာ တို့တွေများက သွေးအေးလို့ မနေသင့်ပြီ) ဆိုတဲ့သီချင်းဟာ အစကတည်းက နှိုးဆော်သံ လင်္ကာပါ။ တပ်ကုန်းမြို့ သာသနာ့ဗိမ္မာန်မှာတုန်းကလည်း ပျော်ဘွယ်သားမြနန်းဆရာတော် ဟောသွားခဲ့ပါသေးတယ်၊ သီလသမာဓိသိက္ခာပညာဂုဏ်ကြီးမားတဲ့ #လေးအိမ်စုဆရာတော်ဘုရားကြီးက ရေးစပ်ဖွဲ့သီခဲ့ပါကြောင်း။ အခု နှိုးဆော်သံသီချင်းအဖြစ် ကြိုငိမ်းချမ်းက အသွင်ပြောင်းသီဆို နှိုးဆော်ထားတာပါ။ (သွေးအေးနေရင် သာသနာပျောက်လို့ လူမျိုးပျောက်ဖို့ ကြုံလိမ့်မည်)ဆိုတာ မြတ်ဗုဒ္ဓရဲ့ ..... သာသနာအမွေအနှစ်တွေကို ထိန်းသိမ်းစောင့်ရှောက်ဖို့ သွေးအေးနေရင် သာသနာနဲ့ သပ္ပုရိသနွယ်ဝင် ဗုဒ္ဓဘာသာဗမာလူမျိုး ပျောက်ကွယ်နိုင်တာကို သတိပေးထားတာ၊ (ဗုဒ္ဓဘာသာရှင်လူအများက အသိတရားထားသင့်ပြီ)ဆိုတာ ရဟန်းရှင်လူတို့အပါအဝင် ဗုဒ္ဓအယူဝါဒကနေ ပွားစည်းတဲ့ ဘာသာအသိတရားကို ရည်ရွယ်တာ၊ ဗုဒ္ဓဘာသာတရားတော် သာသနာအမွေအနှစ်တွေ ထိန်းသိမ်းအလေးထားကြဖို့၊ ပရိယတ်၊ပရိပတ်၊ပရိဝေဒသာသနာတွေမှာ မေ့လျော့ ပေါ့ရဲနေကြမှာ စိုးတဲ့အတွက် သတိပေး နှိုးဆော်ထားတာပဲ။ (#လှုံ့ဆော်တာမဟုတ်ဘူးဗျ) ဉာဏ်နည်းတဲ့သူတွေ စုံလုံးကန်းတွေးကြသလို ရန်တိုက်ပေးနေတာလည်း မဟုတ်ဘူး။ (တခြားဘာသာတိုးတက်ရေးကို တခြားသူများဆောင်ရွက်သည်) ဆိုတာရော ဘယ်သူ့ကို ထိခိုက်ထားလို့လဲ။ ကိုယ့်ဘာသာတရားကို ကိုယ့်ဘာသာဝင်တိုင်း ကြီးပွားတိုးတက်အောင် လုပ်နေကြတာပဲ။ ကိုယ့်ဘာသာတရား ကြီးပွားရေးအတွက် သူများဘာသာကို ထိုးနှက်ဖို့လည်း သီချင်းစာသားထဲမှာ မပါဘူး။ တပါးတခြားသော ဘာသာကို ထိခိုက် ပုတ်ခတ်ထားတဲ့ စကားလုံးတွေလည်း မပါဝင်ဘူး။ ကိုယ့်ဘာသာ ကိုယ့်သာသနာ ကိုယ့်အမျိုးအနွယ် မပျောက်ပျက်အောင် ထိန်းသိမ်းစောင့်ရှောက်ဖို့ပဲ သတိပေးထားတာ၊ အယူဝါဒ မတူသူကို တိုက်ခိုက်ဖို့လည်း မပါဘူး။ (ကလေးဘဝက အမြဲခိုင်ယုံကြည် သက်ဆုံးထိတိုင်ရည်)ဆိုတာ သရဏဂုံသုံးပါးကို အငယ်ကတည်းက သက်ထက်ဆုံးထိ ဦးထိပ်ထားဖို့ ရည်ညွှန်းထားတာ မဟုတ်ဘူးလား။ (ရင်ထဲမှာ တို့ဘာသာစစ် ကိန်းဝပ်စေမည်) ဆိုတာရော ဘာသာတရားရဲ့ အဆုံးအမတွေ စိတ်နှလုံးမှာ ကိန်းနေစေဖို့ပဲ မဟုတ်ဘူးလား။ ဒီသီချင်းဟာ ဘာသာတရားကို အလေးအနက်ထားကြဖို့သာ နှိုးဆော်တိုက်တွန်းထားတာပါ။ သူများပါးစပ်မှာ လမ်းမဆုံးကြပါစေနဲ့။ ကိုယ်ပိုင် အသိဉာဏ်နဲ့ ဆင်ခြင်ဆုံးဖြတ်ဖို့ ဗုဒ္ဓမြတ်စွာဘုရားရှင်ရဲ့ ကာလာမသုတ်မှာ ဟောခဲ့ပြီးသားပဲ။ အမျိုးဘာသာ သာသနာဟာ ဗုဒ္ဓဘာသာဝင်တိုင်းနဲ့ သက်ဆိုင်နေလို့ကို ဗုဒ္ဓဘာသာရှင်လူအများက လို့ ညွှန်းဆိုထားတာပါ။ ဒီသီချင်းနဲ့ တရားပွဲကြီးတွေမှာ အဖွင့်ကို အစချီထားတာတွေဟာ ဘာသာတရားအပေါ် လေးနက်ခိုင်ကျည် လာစေဖို့ မေ့လျော့ပေါ့ရဲမနေစေကြဖို့ပဲ။ ဒီသီချင်းကို အစကနေအဆုံး သေသေချာချာ ပိုင်းပိုင်းခြားခြား ကျွန်တော် စူးစိုက် နားထောင်ကြည့်ပြီးပြီ။ သူတပါးထိခိုက် နစ်နာစေတဲ့ ပျက်စီးစေတဲ့ ဝေါဟာရ၊စကားလုံး၊ ရည်ညွှန်းရာ တလုံးတပါဒမှ မပါဝင်ပါ။ တေးဆို- ကိုငြိမ်းချမ်း - @ma.zar719