ဆေးဘက်ဆိုင်ရာ နည်းပညာတက္ကသိုလ် (UMT) ဆိုတာက အခြေခံပညာအထက်တန်း (Grade-12) ကို ဇီဝဗေဒ (Bio) တွဲနှင့်အောင်မြင်ပြီး အမှတ်မီသူများ တက်ရောက်နိုင်သော အစိုးရတက္ကသိုလ်တစ်ခုဖြစ်ပါတယ်။ အရင်ကတော့ Institute of Paramedical Science (IPS) ထိုမှတစ်ဆင့် University of Paramedical Science (UPS) လို့ခေါ်ပြီး အခုမှာတော့ University of Medical Technology (UMT) လို့ခေါ်တာဖြစ်ပါတယ်။ ဝင်ခွင့်အမှတ်သတ်မှတ်ပုံကတော့ တစ်နှစ်နဲ့တစ်နှစ် အနည်းငယ် ကွဲလွဲနိုင်ပါတယ်။ များသောအားဖြင့် အမှတ် 450 အထက်ဆို အဆင်ပြေပါတယ်။ ဒါပေမဲ့ ဒီထက်ပိုများတဲ့ နှစ်တွေလည်း ရှိခဲ့ဖူးပါတယ်။ ကျန်းမာရေးကဏ္ဍအတွက် အရေးပါသော ကျွမ်းကျင်ပညာရှင်များကို မွေးထုတ်ပေးနေတဲ့ တက္ကသိုလ်ဖြစ်ပြီး ဆေးဘက်ဆိုင်ရာနည်းပညာတက္ကသိုလ်(ရန်ကုန်)နှင့် ဆေးဘက်ဆိုင်ရာနည်းပညာတက္ကသိုလ်(မန္တလေး) ဆိုပြီး မြန်မာတစ်နိုင်ငံလုံးမှာ နှစ်ကျောင်းသာရှိပါတယ်။ နှစ်စဉ် ကျောင်းနှစ်ကျောင်းလုံးမှ ကျန်းမာရေးကဏ္ဍအတွက် ကျွမ်းကျင်ပညာရှင်ပေါင်း ၃၀၀ ကျော် မွေးထုတ်ပေးလျက်ရှိပါတယ်။ ဆေးဘက်ဆိုင်ရာနည်းပညာတက္ကသိုလ်ကို ၄ နှစ် တက်ရောက်ရမှာဖြစ်ပြီး B.Med.Tech (Bachelor of Medical Technology) ဘွဲ့ကို ရရှိမှာပဲဖြစ်ပါတယ်။ G-12 စနစ်အရ ပထမနှစ် (First Semester) မှာတော့ မြန်မာစာ အင်္ဂလိပ်စာ Anatomy (ခန္ဓာဗေဒ) Physiology (ဇီဝကမ္မဗေဒ) Biochemistry (ဇီဝဓာတုဗေဒ) Pathology (ရောဂါဗေဒ) သက်ဆိုင်ရာ ဘာသာရပ်များမှာ သက်ဆိုင်ရာ လက်တွေ့သင်ကြားခန်းများလည်း ပါမှာဖြစ်ပါတယ်။ ပထမနှစ် (Second Semester) မှာတော့ မြန်မာစာ မပါဝင်တော့ဘဲ ကျန်ဘာသာရပ်များကို ဆက်လက်သင်ကြားရပါမယ်။ ပထမနှစ်ပြီးဆုံးခါနီးမှာ ကိုယ်လိုချင်တဲ့မေဂျာကို လျှောက်ရပါတယ်။ ပထမနှစ်မှာ ရရှိသော အမှတ်များအပေါ်မူတည်ပြီး ကိုယ်လိုချင်တဲ့ မေဂျာ ရ၊ မရဖြစ် တတ်တာမလို့ ကြိုးစားရပါမယ်။ ဒုတိယနှစ်မှ စတင်၍ မိမိရွေးချယ်ထားသော Major ဘာသာရပ်အလိုက် Semester စနစ်ဖြင့် သင်ကြားမည်ဖြစ်ပြီး ဆေးရုံများတွင် Bloc Posting (လက်တွေ့သင်တန်း) များ ဆင်း၍ အတွေ့အကြုံရယူရမှာဖြစ်ပါတယ်။ ရောဂါရှာဖွေရေး Major 2ခု ကုသရေး Major 2ခု ကျန်းမာရေးသတင်းအချက်အလက်များကို စီမံခန့်ခွဲမှုနည်းပညာ ဆိုပြီး Major 5ခု သင်ကြားပေးလျက်ရှိပါတယ်။ Medical Imaging Technology (MIT) ဆေးဘက်ဆိုင်ရာ ဓာတ်မှန်နှင့် ပုံရိပ်ဖော်နည်းပညာ Medical Laboratory Technology (MLT) ဆေးဘက်ဆိုင်ရာ ဓာတ်ခွဲနည်းပညာ Physiotherapy (PT) ဆေးဘက်ဆိုင်ရာ ခန္ဓာသန်စွမ်းမှု နည်းပညာ Radiation Therapy Technology (RTT) ဓာတ်ရောင်ခြည်ကုသမှု နည်းပညာ Health Information Technology (HIT) ကျန်းမာရေးသတင်းအချက်အလက်နှင့် နည်းပညာ [ Prosthetic and Orthotics (PNO) ခြေတုလက်တုနှင့်အားပြုကိရိယာ ၊ ထိုဘာသာရပ်ကတော့ အကြောင်းအရာအမျိုးမျိုးကြောင့် လောလောဆယ်တော့ မရှိပါ။ ] ကျောင်းသူ ကျောင်းသားများအတွက် ကျောင်းတွင်း အဆောင်များလည်း ရှိပါတယ်။ ကျောင်းသားဦးရေ ထက် ကျောင်းသူဦးရေ ပိုများတာမို့လို့ ကျောင်းသား အဆောင်ကတော့ တစ်ဆောင်ပဲ ရှိပါတယ်။ ကျောင်းပြီးသွားလျှင် B.Med.Tech ဘွဲ့ ကို ရရှိမှာဖြစ်ပြီး အစိုးရဆေးရုံများတွင် တာဝန်ထမ်းဆောင်နိုင်သလို ပုဂ္ဂလိကဆေးရုံ၊ ဆေးခန်းများနှင့် ကျန်းမာရေးဆိုင်ရာ အဖွဲ့အစည်းများတွင်လည်း လုပ်ကိုင်နိုင်ပါတယ်။ ကျန်းမာရေးစောင့်ရှောက်မှုလုပ်ငန်းတွင် အရေးပါသော အခန်းကဏ္ဍမှ ပါဝင်သည့်အပြင် လူနာများ၏ ကျန်းမာရေးအတွက် အကျိုးပြုသော တက္ကသိုလ် တစ်ခုလည်း ဖြစ်ပါတယ်။ #UMTY #medtech #Education #university #health - @radiowkqd95