@natias_kulinariumi: 🍰 ნამცხვარი ოპიუმი ხრაშუნა ბეზე, ფხვიერი ცომი, მარწყვისა და ლიმონის სასიამოვნო შეხამება და ნაზი მოხარშული კრემი — სწორედ ეს ქმნის ოპიუმის გამორჩეულ გემოს. მოსამზადებლად დაგვჭირდება 9 ც კვერცხი: 3 კვერცხის გული კრემისთვის, 6 კვერცხის გული ცომისთვის და 9 კვერცხის ცილა ბეზესთვის, რომელსაც ვყოფთ სამად. კრემი ინგრედიენტები: • 3 კვერცხის გული • 150 გრ შაქარი • 1 ლ რძე • 2 ც ვანილი • 3 ს/კ ფქვილი • 2 ს/კ სიმინდის სახამებელი • 300 გრ ნაღების კარაქი,მე ვიყენებ შატილს @butter shatili მომზადება 👉🏻 კვერცხის გულებს და შაქარს კარგად გავაერთიანებთ ხელის სათქვეფით, ვამატებთ 200 მლ რძეს და ჩავაცრით სახამებელს, ფქვილს და ვანილს. შემდეგ ვამატებთ დარჩენილ 800 მლ რძეს, ვდგამთ დაბალ ცეცხლზე, მუდმივი მორევით მივიყვანთ ადუღებამდე და ვადუღებთ 5 წუთი. შემდეგ გამოვრთავთ და ცხელშივე ვამატებთ 100 გრ ნაღების კარაქს, კონტაქტურად ვაფარებთ საკვებ პარკს და ვაგრილებთ ოთახის ტემპერატურამდე. როდესაც გაგრილდება, ცალკე მიქსერის ჯამში ამოვიყვანთ ოთახის ტემპერატურის 200 გრ კარაქს გათეთრებამდე და ეტაპობრივად ვამატებთ ფაფას, ვანილს და კრემიც მზადაა 🤤 მარწყვის არომატული ჯემი ლიმონით ინგრედიენტები: • 1 კგ მარწყვი • 1 ც ლიმონის წვენი • 3 ს/კ შაქარი • 2 ს/კ სიმინდის სახამებელი (მე 1 გავუკეთე და ცოტა თხელი მომეჩვენა, 2 კოვზით კი მიიღებთ იდეალურ სტრუქტურას) მომზადება 👉🏻 ყველაფერი მოათავსეთ ქვაბში, დაჭყლიტეთ მსუბუქად და დადგით დაბალ ცეცხლზე. ადუღეთ 15 წუთი და გააგრილეთ. ფხვიერი ცომი ინგრედიენტები: • 300 გრ კარაქი ან სპრედი • 750 გრ ფქვილი • 150 გრ შაქარი • მწიკვი მარილი • ვანილი • 6 კვერცხის გული • 3 ს/კ არაჟანი • 1 ს/კ ლიმონის წვენი • 1/2 ჩ/კ სოდა მომზადება 👉🏻 ფქვილს, შაქარს, კარაქს, მარილსა და ვანილს ერთად გავაფხვიერებთ ხელით. დავამატებთ კვერცხის გულებს, ლიმონის წვენში გააქტიურებულ სოდას, არაჟანს და მოვზელთ ცომს. გავყოფთ 3 ნაწილად და დავასვენებთ მაცივარში 30 წუთი. 1 ბეზეს ფირფიტისთვის ინგრედიენტები: • 3 ც კვერცხის ცილა • დანის წვერით ლიმონმჟავა ან 1 ჩ/კ ლიმონის წვენი • 150 გრ შაქარი • 1 ს/კ სიმინდის სახამებელი • ვანილი მომზადება 👉🏻 ცილას ლიმონმჟავასთან ერთად ამოვიყვანთ გათეთრებამდე, ეტაპობრივად ვამატებთ შაქარს, ვანილს და ბოლოს, როდესაც მასა გამყარდება, სიმინდის სახამებელს. გამოსაცხობ ფორმაზე ჯერ მოათავსებთ ცომს, შემდეგ ზემოდან ბეზეს და გამოაცხობთ 130°C-ზე, შუა დონეზე, ზედა-ქვედა წვაზე 50 წუთი. ❗️აღსანიშნავია, რომ ბეზე გამოდის ძალიან ხრაშუნა და ბოლომდე რჩება ასეთივე ხრაშუნა. აწყობა ბისკვიტი 👉🏻 კრემი 👉🏻 ჯემი ვიმეორებთ: ბისკვიტი 👉🏻 კრემი 👉🏻 ჯემი და ბოლოს ბისკვიტი. ზემოდან მოვაყაროთ შაქრის ფანტელი და მზადაა ✅🍰🤍🍓🍋#cake #ოპიუმი #Foodie

Natias_kulinariumi

Open In TikTok:

Region: GE

Saturday 13 June 2026 16:20:02 GMT