@rise.with_nour: Nuxurka hadalka Rutger Bregman hadaan soomaali garayno, wuxu ina leeyahay: "Cudurka kaa gala fardaha, hadii laga gubo dameer, dawada lama gaadhayoo geed dheer bay saarantay." Wuxu si adag u diiddan yahay fikradda ah in saboolnimadu ay ka dhalatay shaqsiyada qofka oo xumaata ama qofka oo aan dadaal badan lahayn. Waxa uu ku doodayaa in saboolnimadu ay tahay "lacag la'aan." ● Fikradda "Scarcity Mentality" ​Bregman wuxu soo xiganayaa cilmi-baadhis uu sameeyay Professor Eldar Shafir, taas oo muujinaysa in welwelka iyo culayska saboolnimadu ay si toos ah u saameeyaan awoodda maskaxda: 1. ​IQ-ga oo hoos u dhaca: Dadka saboolka ah, culayska dhaqaale ee joogtada ahi wuxuu keenaa in garaadkooda (IQ) uu hoos u dhaco qiyaastii 13–14 dhibcood, taasoo la mid ah qof aan seexan habeen dhan. 2. ​Go'aan qaadashada: Sida kombuyuutar barnaamijyo badan mar qudha lagu wada furay oo kale uu u cuslaanayo, ayay maskaxda qofka saboolka ahi u cuslaataa markay la kulanto dhibaatooyin iyo mashaqooyin badan, taasoo keenaysa in ay diiradda saarto kaliya sidii ay u xallin lahayd baahida degdegga ah (sida cuntada ama biilasha maanta la bixinayo), taasoo ka hor istaagta qofka inuu qorsheeyo mustaqbalka fog. ● Saboolnimadu maaha aqoon la'aan: ​Wuxu sheegay in barnaamijyada dadka saboolka ah lagu baro maareynta lacagta iyo waxyaabaha la midka ahi aysan shaqayn, sababtuna tahay in dhibaatadu aanay ahayn aqoon la'aan ee ay tahay dhaqaale la'aan. ​Wuxu ku leeyahay: "Waa adoo qof bara dabaasha, ka dibna ku dhex tuura bado kacsan ama duufaan ka jirto." ● Fikirka "Basic Income" (Dakhli Damaanad ah) ​Wuxu soo qaatay tijaabo lagu sameeyay sanadkii 1974-kii magaalo yar oo la yidhaahdo Dauphin oo ku taalla Kanada, halkaas oo dadka oo dhan la siiyay dakhli aasaasi ah (Basic Income). ​Natiijadii ka dhalatay: Caafimaadka dadka ayaa wanaagsanaaday, cisbitaallada ayaa la yareeyay, carruurtu si fiican ayay wax u barteen, rabshadaha qoyskuna way yaraadeen. Dadkuna ma joojin shaqada; waxa kaliya ee is beddelay wuxuu ahaa in hooyooyinku ay waqti dheeraad ah u heleen carruurtooda iyo waxbarashadaba. 2.2) Maalgelinta: Wuxuu ku dooday in kharashka ku baxa dhibaatooyinka saboolnimadu keento (sida daryeelka caafimaad, dambiyada, iyo waxbarasho la’aanta) uu aad uga badan yahay kharashka ku bixi kara in qof walba la siiyo lacag lagu daboolo baahiyaha aasaasiga ah. Ugu dambayn, ​farriinta ugu weyn ee Bregman waa inaan joojinno eedaynta dadka saboolka ah oo aan beddelno qaabka aan dunida u maamulno. Waxa uu dhiirri-gelinayaa in la aamino awoodda bani’aadamka oo la siiyo fursad ay ku noolaadaan nolol sharaf leh, isagoo ku soo gunaanaday: "Saboolnimadu ma aha dabeecad xumo ee waa lacag la'aan." #PovertyMyth #HumanPotential #Leadership#BehavioralScience #SomaliTiktok

Rise with Nour

Open In TikTok:

Region: SO

Saturday 13 June 2026 18:07:57 GMT