" پــەروەرێــن" پەروەرێنم جگە لە دەرگای حضورت چ دەرگایەک ئەڵێن نیمە خۆنەویستیم لە پێناوت ڕێک هێندەی خۆشەویستیـمە هەرجارێک کە دێمە حضورت وێنەی منداڵێکی ون بووم بە گرییەوە ئەڵێم چیمە سەرم نەوی و هەردوو دەستم، بۆلای خۆت بەرزەکەمەوە یا رب تو زاتی حەقی خـۆت لەپێش هەر داوایەکم لێـت هەر ئەڵێم و ئەیڵێمەوە یەقیـنی مـن بە خوایەتـیت وای لێکردووم،بۆ هیچ دەردێک نەتلێمەوە هەرپێش ئەوەی ئامین بکەم باوەڕدارم، جوابی داوام ئەبینـمەوە من ئەزانم لە ڕەگی مل نزیکتری ئاگاداری ترپەی دڵ و هات و چوی خوێنی جگەرمی من ئەزانم، ئاگات لێمە ڕۆزی دەرمی پشتم بەس بە خۆت قایـمە بۆیە سڵ ناکەم لە هیچ شتێ چی ناوی ترس بێ نیمە ئەگەر هەموو نزاکانم لە حزورتا کۆکەمـەوە لەیەک دێڕا، وێنەی تینوی ناو بیابان بینوسمەوە و بیخوێنمەوە تەنیا ئەڵێم سپاردەی دەستی خۆم نەکەی لەژێر ڕەحمی بێکۆتایی زاتی خۆتا تا لیقای خۆت، بمهێڵەوە ئەمەی ئەیڵێم تەنها شیعر و نوسراوی سەر کاغەز نییە یەقینێکە چی کێو هەیە لەم گەردوونە بەهێندەی ئەم بەهێز نییە چون پێشینم بۆم لەپێشە وێنەی سیدنا موسا خۆت پێت فەرموو لەپشتتین و لە لیقای فیرعەون نەترسا بەڵام ئێستە بۆیە ڕۆحم ئا بەم چەشنە بریندارە بەچاوی سەر زۆرەبینم ئیمانی تەنها بە زارە زۆرەبینم عاقیبەت و لیقای تۆیان تاڵان فرۆش کرد بۆ پارە بۆچێژی ژیانێکی کاتی کە وەک ڕۆژی ڕووناک دیارە زۆرەبینم زاڵمیان لێ بووە بە خـوا پەنا بە تـــۆ ئەترسن ڕۆحیان بکێشن زۆرەبینم بەندایەتییان بۆ ئەکەن خۆشیانی پێ هەڵەکێشن زۆرەبینم طاغوتیان لەلا ڕەزاقە و فریادڕەس و ڕۆزی دەرە مەست و بێ هۆش زۆرەبینم لەڕێگای تـــۆ بێ خەبەرە زۆرەبینم بۆ مەنات و لات و عوزای سەردەمی نوێ کڕنوشەبەن جا هەر کامەو بۆ سیفەتێ کە هی تۆیە، پەنا بە تۆ وێنای خۆیانی بۆ ئەکەن زۆر زۆرە بۆم زۆرەبینم زۆر زۆرە بۆم، کەم ئەبینم دۆستانی ڕێگە و ئەمینم شوێنکەوتوانی طالوت و خاوەن مەبدەء و یەقینن پەرستشیان بەس بۆ تـۆیە نابینان بەهەموو ڕێیە تەنها ڕێگا تــــۆ ئەبینن ئەمـما قورسایی هەبوونیان بە ژمارە وەک جیاوازیی ئەستێرەیە لەگەڵ ژمارەی هەسارە سەربەرز بوون و بردنەوە لێرە و لەوێ، بۆم کەمینە بەڵێنی پەروەردگارە هەرکەس غەیری تۆ بپەرستێ جا لە ترسا یا لە برسا کۆتاییەکەی زەلیل بوون و ناو ئاگرە ئێش و ئازارێکی قورسە لێبوردەییشت بێ وێنە وەک گەورەیـیت بێ حەد و حساب و پرسە بە کڕنوشێک شەهیدبوون و بەهەشتی خۆت عطاء ئەکەیت وەک ساحیرانی دەور موسا پێشەوا هیوا ٢٠٢٦/٦/١٣ - @peshawahiwaa