@memo79323: أنا مش ندمانه إنك مشيت، الندم الحقيقي هو الساعات والايام اللي ضاعت من عمري وأنا بحاول أقنع نفسي بالكدب إنك ممكن في يوم تتغير، والكسرة اللي في قلبي دلوقتي مش عشان خسرتك، دي عشان خسرت نفسي وهنت كرامتي وأنا بحاول أرضيك وأشحت منك اهتمام مكنتش بتديهوني غير بالقطارة، الخذلان الحقيقي والوجع اللي بجد هو إنك خلتني أشك في صدق أي حد بقابله من بعدك، وخلتني أخاف من الطيبة وأشوفها ضعف، بس النهاردة أنا بكتب السطر الأخير في الحكاية البايخة دي وبحرق الكتاب كله بكل اللي فيه، مش قسوة مني ولا رغبة في الانتقام، بس عشان أنا أنضف وأغلى بكتير من إني أتحشر في زاوية التهميش وأبقى مجرد "احتياطي'" في حياتك، الباب اللي فضل موارب عشانك سنين وسنين اتقفل النهاردة بقفل حديد ومفاتحه اترمت في البحر، والروح اللي كانت بتتحايل على طيفك وتتحايل عليك عشان تفضل، بقت هي اللي بتمسح ملامحك وصوتك من ذاكرتها بكل برود وجحود، لأن اللي مبيعرفش يحافظ على النعمة ويصونها وقت ما كانت في إيده، مبيستحقش حتى إنه يلمح طيفها من بعيد لما تضيع منه للأبد، أنا النهاردة مش بس بقفل الباب، أنا بدمّر الجسر اللي كان ممكن في يوم يرجعك، وبختار نفسي اللي هدرتها وبعتها برخص التراب في سبيل حد كان بيشوف وجعي ودموعي مجرد "دراما' وتمثيل، وحد كان يستخسر فيّ حتى كلمة جبر خاطر تداوي جروحي، النهاردة أنا بطلت أستنى، وبطلت أعاتب، وبطلت حتى أشيل لك جوايا أي شعور سواء حب أو كره، لأنك ببساطة بقيت "لاشيء' في دنيا كانت في يوم من الأيام بتلف حواليك وبدأت وبنتهي بكلمة منك، النهاردة أنا استرديت روحي اللي كانت مسجونة عندك، وبقيت حر ومستغني، والزمن كفيل يوريك إن اللي ضحيت بيه ده كان أغلى من أي حاجة هتقابلها في حياتك كلها. #ريبوست

الشخصية التانية

Open In TikTok:

Region: EG

Saturday 13 June 2026 20:21:57 GMT