@seluprinces: አንዳንዴ ህይወት ስብርብር ታደርገናለ ችግሮች ይደራረቡብናል። አንዱን ፈተና ተወጣሁት …ይሄኛውን አለፍኩት ብለህ ቀና ስትል... ሌላኛውና የባሰው ፈተና ፊትህ ይደቀናል። ካለህበት ጭንቅ አላህ እንዲፈርጅህ ሁልጊዜ ዱዓ ታደርጋለህ ነገርግን ችግሮችህ እየባሱ ይሄዳሉ ፡፡ በነዚህ ጨለማ ጊዜያት በለቅሶና በትከሻህ መዛል ውስጥ ሆነህ ልብህ ላይ አንድ ጥያቄ ይመላለሳል … " መታ ነስሩላህ "? " ያ ረብ እርዳታህ መቼ ?" 😔 ​ይህ ጥያቄ ያንተ ብቻ አይደለም። ይህ ጥያቄ ካንተ በፊት የነበሩት እነዚያ ለአላህ በጣም ቅርብ የሆኑት ታላላቅ ነቢያትና ደጋግ አማኞች እንኳ ሳይቀሩ፣ መከራውና ጭንቁ ሲበረታባቸው ይህንኑ ብለዋል። "መታ ነስሩላህ" (የአላህ እርዳታ መቼ ነው?) በተሰበረ ልብ ወደ አላህ አቤትትትት ብለዋል ። ​ነገር ግን... የረህማኑ መልሱ ይሄ ነበር «አዋጅ ! የአላህ እርዳታ በእርግጥ ቅርብ ነው።» (አል-በቀራህ፡ 214) አዎ ቅርብ ነው ፡፡ 😊 ቅርበቱ ግን እኛ በምናስበው ስሌት ወይም እኛ በወሰንነው ሰዓት ወይም እኛ በፈለግነው ቅርጽ ይመጣል ማለት አይደለም። እሱ አንዳንድ ጊዜ እርዳታውን የሚልከው የፈለግነውን ነገር ወዲያው በመስጠት ሳይሆን፣ በፈተናው ውስጥ እንድንጸና የልብ እርጋታንና ትዕግስትን በመለገስ ነው። አላህ ለእኛ የሚበጀውን "ትክክለኛውን ሰዓት" ያውቃል። የእርሱ እቅድ ሁልጊዜም ፍጹም ነው ፡፡ ከእያንዳንዱ መከራ በስተጀርባ፣ ስውር የአላህ እቅድ አለ። وعلى الله فتوكلوا إن كنتم مؤمنين (5:23)

SELU PRINCE

Open In TikTok:

Region: SA

Saturday 13 June 2026 22:15:21 GMT