Тақсими манзили истиқоматӣ пас аз бекор кардани ақди никоҳ: қонун ва воқеият. ⚖️ Бисёр вақт ҳангоми ҷудошавии ҳамсарон баҳси асосӣ дар атрофи манзили истиқоматӣ мегузарад. Яке аз тарафҳо талаб мекунад, ки хона ба вай ё фарзандон монад, тарафи дигар эътироз мекунад. Аммо Кодекси оилаи Ҷумҳурии Тоҷикистон ин масъаларо бе эҳсосот ва дақиқ танзим кардааст. Қонунгузорӣ якчанд шартҳои асосиро муайян мекунад: 1️⃣ Танҳо ақди никоҳе, ки дар мақомоти САҲШ бақайдгирии давлатӣ гирифтааст, оқибатҳои ҳуқуқӣ дорад. 2️⃣ Мувофиқи моддаи 34 Кодекси оила, молу мулке, ки ҳамсарон дар давраи никоҳ ба даст овардаанд, моликияти муштараки онҳо ҳисоб шуда, ҳиссаҳои ҳамсарон баробар дониста мешаванд. 3️⃣ Мувофиқи моддаи 36 ва 39, моликияти шахсии ҳар яке аз ҳамсарон тақсим намешавад, аммо суд ҳуқуқ дорад ҳиссаи ҳамсареро, ки фарзандони ноболиғ бо ӯ мемонанд, аз ҳисоби моликияти муштарак зиёд кунад. Дар амалиёти судӣ ҳар як ҳолат нозукиҳои худро дорад ва аксаран пас аз бекор кардани ақди никоҳ ба ҷои тақсими худи манзил, ҷуброни пулӣ муайян карда мешавад. 💬 Баҳси ҳамешагӣ: Аз як тараф, қонун ҳуқуқи ҳарду ҳамсарро баробар ҳимоя мекунад ва дахлнопазирии моликияти шахсиро нигоҳ медорад. Аз тарафи дигар, дар ҷомеа бисёр вақт чунин фикр мавҷуд аст, ки пас аз талоқ мард бояд мардӣ карда, манзилро пурра ба зану фарзандон монад. Ба назари шумо, пас аз бекор кардани ақди никоҳ, чихеле, ки бисёр занхо мегуйянд: мард бояд аз рӯи инсофу мардӣ ҳамаи амволро ба зану фарзандон монад ё ҳама чиз бояд қатъиян баробар ва танҳо дар асоси қонун тақсим карда шавад? Фикри худро дар коментария нависед. #адвокат_тоҷикистон #ҳуқуқшинос #тақсими_молумулк #кодекси_оила #бекор_кардани_ақди_никоҳ - @advocat_sr