လမ်းခွဲပြီးနောက် တဖက်လူက သင့်ကို ပြန်အဆက်အသွယ်လုပ်နေတာ စာပို့တာမျိုးရှိလာတဲ့အခါ... သင်က သူနဲ့ပြန်အဆင်ပြေဖို့ လုံးဝဆန္ဒမရှိတာ ဒါမှမဟုတ် သူ့ကို မမြင်ချင်တော့တာမျိုး ဖြစ်နေရင်တောင်... အခုပြောပြပေးမယ့် အချက်လေးတွေကို ခဏလောက်ဖတ်ပေးစေချင်ပါတယ်။ သင်နည်းနည်းတော့ စိတ်ဖြောင့်သွားနိုင်ပါတယ်။ တကယ်တော့ ဘယ်သူနဲ့ပဲတွဲတွဲ အတူတူပဲလို့ သင်ယုံကြည်ပါသလား။ ဆက်ဆံရေးတိုင်းဟာ အစပိုင်း အချို့ပတ်ကာလ ပဋိပက္ခဖြစ်တဲ့ကာလနဲ့ ရိုးအီသွားတဲ့ကာလ ဆိုပြီးတော့ အဆင့်ဆင့်ဖြတ်သန်းကြရတာပါ။ ဥပမာ.. စတွဲကာစမှာ တဖက်လူက ကိုယ့်အပေါ်ကောင်းနေသ၍ အကြာကြီး လက်တွဲသွားမယ်လို့ တွေးမိနိုင်ပေမယ့်... အချိန်ကြာလာတဲ့အခါ သူက romantic မဆန်တာ ဒါမှမဟုတ် ကိုယ်ဖြစ်ချင်တဲ့ စိတ်ပိုင်းဆိုင်ရာ ဖြည့်ဆည်းမှုမျိုး မပေးနိုင်တာကို သိလာရတတ်ပါတယ်။ အဲ့ဒီအခါ သင်ကလမ်းခွဲပြီး နောက်တစ်ယောက်စီကို ပြောင်းသွားရော။ အဲ့ဒီနောက်မှာတော့ သင်က ပိုချောတဲ့သူ ပို romantic ဆန်တဲ့သူ ကိုယ့်လိုအပ်ချက်ကို ဖြည့်ဆည်းပေးနိုင်မယ့်သူကို ရှာဖွေမိပြန်ပါတယ်။ ဒါပေမယ့် နောက်ပိုင်းမှာ သူက romantic ဆန်ပေမယ့် ရည်မှန်းချက်မရှိတာ အလုပ်ကို အလေးမထားတာမျိုးတွေကို ထပ်တွေ့ရပြန်ပါတယ်။ သူ့မှာအနာဂတ်မရှိဘူးလို့ သင်ခံစားလာရပြီး သင်ထပ်လမ်းခွဲပြန်ရော... ဒီလိုနဲ့. သံသရာလည်ပြီးတဲ့နောက်မှာတော့... သင်တွဲခဲ့တဲ့ ပထမဆုံးသူက အကောင်းဆုံးပဲလို့ တဖြည်းဖြည်းချင်း နားလည်လာပြီး သူနဲ့ ပြန်အဆင်ပြေချင်စိတ် ပေါ်လာတတ်ပါတယ်။ ကျွန်တော်တို့ဟာ လမ်းခွဲရတာကို တဖက်လူကြောင့်ပဲလို့ အမြဲအပြစ်တင်တတ်ကြပါတယ်... လူအသစ်လဲလိုက်ရင် ပျော်ရွှင်ရတော့မယ်လို့ ထင်တတ်ကြတယ်။ ဒါပေမယ့် အမှန်တရားကတော့ သင့်မှာ ချစ်တတ်တဲ့စွမ်းရည်(Capacity to Love) မရှိရင် သင်ဘယ်သူနဲ့ပဲတွဲတွဲ ပျော်ရွှင်ရမှာ မဟုတ်ပါဘူး။ တကယ်တော့.. သဘာဝအတိုင်း ထပ်တူကျနေတဲ့သူဆိုတာ မရှိပါ ဘူး။ တယောက်နဲ့တယောက် ညှိနှိုင်းပြီး ပြုပြင်ပြောင်းလဲပေးကြမှသာ ပိုမိုသာယာတဲ့ ဆက်ဆံရေးတစ်ခုကို တည်ဆောက်နိုင်မှာပါ။ ဒါကြောင့်အရေးကြီးတာက ဘယ်သူနဲ့တွဲရင် ပျော်ရွှင်ရမလဲဆိုတာထက် ဆက်ဆံရေးတစ်ခုကို ပျိုးထောင်ထိနိးသိမ်းနိုင်တဲ့ အရည်အချင်းရှိဖို့ကသာ အဓိကဖြစ်ပါတယ်။ #khin #foryoupage❤️❤️ #frypgシ #crd - @khin29087