@joq: Një aksident i rëndë trafiku ka ndodhur këtë të diel në autostradën “Ibrahim Rugova”, në afërsi të Malishevës, Kosovë. Sipas pamjeve të siguruara nga vendi i ngjarjes, në terren kanë dalë menjëherë njësitë e Policisë, ekipet emergjente mjekësore dhe zjarrfikësit, të cilët po punojnë për ofrimin e ndihmës dhe menaxhimin e situatës. Burime jozyrtare bëjnë të ditur se dy persona ndodhen në gjendje të rëndë shëndetësore, ndërsa rrethanat e aksidentit mbeten ende të paqarta. Dëshmitarë të rastit kanë ngritur shqetësime edhe për praninë e dheut dhe papastërtive në segmentin rrugor, duke theksuar se mungesa e mirëmbajtjes mund të përbëjë rrezik serioz për sigurinë e pjesëmarrësve në trafik. Mirëmbajtja e autostradave dhe rrugëve është obligim ligjor i institucioneve përgjegjëse.