Réponse à @Y'arbi Mariem Tja7 v Bac 🤍 الغرام 🩵 الحـلقة الثانـية 2 : يَمُـولْ القِدْرَة :: لَـمْرْ امْرَكْ، وِ انتَ بِيـهْ ادْرَى سكتت العالية واتلات منى تروغي كيسانها ومثقل عليها مرض والدتها ذا حتت وخايفة عليها ... الين عاد المغرب رجعت منى من شور سلمى منت عمها كانو مجمعات رجعت لحگت امها تاكية مغمبرة وجهها واحذاها مغسل كانت تگذف فيه رفدت منى المغسل وكبتو ومصمصتو ورجعتو لبلو .. گعدت حذاها ووخظت ايدها اعل راصها كشحت العالية عن وجهها ..منى:اشوسيتي .. العالية :لباس انتي منين كنتي ؟ .. منى : هون مع سلمى .. عدلت العالية گعدتها ونترت شورها المغسل وگذفت مرة اخرى اكرمكم الله .. منى الا توخظ ايدها اعل ظهرها كان يرخيها شين لخلاگ ولافيدها تعدل شي ادوا التقليدي الا طارحتولها يغير ماه مزى شي وادوه لوخر كاع فارغ تاريخه الا ماظر ماينفع وزرگتو هي بعد .. الين صلى المغرب ادخل عليهم عالي ومحمدو كانو شور لمسيد الحك ذاك الوقت العالية مزالت بنفس الحالة اتله عالي يسول عنها منى.. منى: لباس الا من ساعة الصلات العصر وهي فلگذاف .. عالي: وذا ادوى يختي ما انفعها منو شي الا بسم الله الرحمن الرحيم .. منى: عدلت لها شربة هون وماهباس وادوه الطب مللي كيفتو .. خاظ عالي شور محمدو واتمزر بيه اشوي اعل زر كرياج .. عالي : ذا يخوي الغالي ماكنتي نبغي نتكلم معاك فيه بيهللي خوك اكبر منك وكنت نبغي ذاك الاحترام اتم الا فم يغير يمحمدو ذي الطفلة گبظتها من عند اهلها معززة مكرمة خيمة بطارين واولاد عمك ويالة تعود الا مكبرهم جاووك وارضاو بيك يغير تعرف انت ويعرف اذويب اللي تل ولاته عنك ماگط كبرت بيها محدك عندك المخزية والين گاع طاحت ايدك اطم ارفدتها وگست بيه البادية الماگط شافت يويلها ولاتكلمت وسكنتها مع اهلك محدهم فالحياة ولاتكلمت وابغاتهم وابغاوها ولاگط اسمعتك كون تصكك تعرف بعد ذا البين گرياجاتنا ؟ ماكط سمعتك تظحك ماه وقت معاكم خطار وامنيتك ذي ماتسمع عندك كون دعية وصابرة وبارة ماخليتها تتخطه كونكور فاگرايتها واصحباتها فر عادو متخرجات ،ظرك ذي لمرة مرضت ولاخافي عليك شي من ذا غالبك تلحگ بيها ذي ادشيرة اللي 20 كيل منا ؟ انا ذا ماني كاد نگبلو لعادت خاصتك الفظة نعطيهالك ولعاد بيك النقل اندبر لك فوته نعريها يغير ذي المرة امشي بيها الليلة ذي شور الطب الين تعرف امالها ذا حرام بصيفتو ذي .. محمدو ذا خوه اكبر منو ويسوه ذا الگال ماه راضيه-الحگ مر فلوذن- مايگد كون يمشي فذا اللي يدور گالو: ذاك حك الگلت والله الل حگ دور نتلفن ل علين(واحد يعدل النقل) يلحگنا للطب ان شاء الله .. عالي :اهيه يطول عمرك ذاك هو اليتواسه ايو ودعتك لله ماشي مزلت لاهي نحلب .. تبرم عنو وادخل محمدو شور لمبار انتر حوليه عن راصو ..محمدو :امينا(عينو اعل منى) بدلي لامك لباسها محد ذا امنادم يجي يرفدنا شور الطب .. منى :امنادم منهو ؟.. ولاجاوبها بعد كون انتومه المانكم حاظرين بعد دقايق جات الوته وركبت منى مع امها اللورة وعاد محمدو الگدام وكيمو شور الطب والعالية ظاهر عليها التعب والمرض .. وصلوا بعد ودخلوها تباركوا يعدلولها فحوص ذاك الوقت وعلگولها الدگة وگالو عنها لاهي اتبات محكومة الين يوخظو الفحوص .. باتت منى فم ومحمدو گالها عنو كايس قريبو فالدشرة ماعندو شي للمبات فلطباب .. مارگدت مُنى ذيك الليلة بيها امها وقت لاهي تگذف ووقت متألمة قالبها ترگد .. الين اصبح الصبح ارجع لهم محمدو وگالهم الطبيب عن الفحوص يوخظو الا 11h وذاك طويل على بوها ولكان ماحاكمهم الطب الا يمشي .. تم بعد فم والوقت اطوويل عليه ولابيه بعد الخوف عليها عكس منته .. جات 11h وج الطبيب ووجهو ماه متمونك وگال لمنى ومحمدو عنها عندها مشكلة فمرارتها وكان يالة تُعالج مذاالها وعنهم يلحگو شور انواكشوط المزال من انهار كانهم يگدو يدركوا منها شي .. انخلعو اص محمدو ماكان شاك عنو شي يحتاج عملية وهو مللي مابيه ذاك من قساوة القلب🙂🙂🙂🙂... تلفن اعل خوه وعلمو بلمردة وگالو عنو لعاد گاد يسلفلو شي وما اتردد عالي بعد اصلو كريييم وبحيوانو مللي وذي اعيال خوه الا كيفت اختو وتبغيه وتبغي اعيالو واولادو .. مشالو بعد انحاسة ماهي اشوي وركبوا ذاك الوقت فامبلانص واعدين نواكشوط ومحمدو ماكان هامو منى تمشي يغير ذا هي ماعندها حد راجعة معاه ولهيه مللي فيه اجدودها .. كبظت منى تلفون امها وطلعت رقم النينة جداتها التعرف الا فتلفون وعلمتها بذا وانخلعت باط الين ذاك يسمحلي حق والدي وجهزت هي واولدها ومنتها الزهرة خت العالية كايسين الطب اللي جايينو .. مسافة اطريك كانت الا 4 سوايع ودخلوا انواكشوط ..وجبروا گدامهم اهل ديدي فالطب ....الين جاو دخلوها للعملية مباشرة لاهي يگلعو عنها حجار المرارة اللي فيها ... ---------- - @nahaa70