បាទ នៅក្នុងចំណោមបណ្តាទណ្ឌកម្មដែលធ្ងន់ធ្ងរបំផុតគឺ ការដែលបុគ្គលម្នាក់កំពុងតែស្ថិតនៅលើភាពវង្វេង ហើយគាត់នៅគិតថា គាត់ស្ថិតនៅលើមាគ៌ាត្រឹមត្រូវ។ 🔴 ដូចអល់ឡោះ បានមានបន្ទូលថា៖ ﴿فَرِيقًا هَدَىٰ وَفَرِيقًا حَقَّ عَلَيْهِمُ الضَّلَالَةُ ۗ إِنَّهُمُ اتَّخَذُوا الشَّيَاطِينَ أَوْلِيَاءَ مِنْ دُونِ اللَّهِ وَيَحْسَبُونَ أَنَّهُمْ مُهْتَدُونَ﴾ [سورة الأعراف(30)] អល់ឡោះបានបង្កើតមនុស្សជាពីរក្រុមគឺ មួយក្រុមក្នុងចំណោមនោះគឺ ទ្រង់បានចង្អុលបង្ហាញដល់ពួកគេ ដោយសម្រួលដល់ពួកគេនូវមូលហេតុទាំងឡាយដែលនាំទៅកាន់ការចង្អុលបង្ហាញ និងបង្វែររូបគេចេញពីប្រការទាំងឡាយដែលរារាំងពីការចង្អុលបង្ហាញនេះ។ រីឯមួយក្រុមទៀតគឺ ពួកគេគឺជាពួកដែលវង្វេងចេញពីមាគ៌ាដ៏ត្រឹមត្រូវ ដោយសារតែពួកគេបានយកស្ហៃតនធ្វើជាអ្នកគាំពារក្រៅពីអល់ឡោះដែលនាំឲ្យពួកគេទទួលបាននូវភាពល្ងង់ខ្លៅអវិជ្ជា ហើយពួកគេគិតស្មានថា ពិតណាស់ ពួកគេគឺជាអ្នកដែលទទួលបាននូវការចង្អុលបង្ហាញទៅកាន់មាគ៌ាត្រឹមត្រូវទៅវិញ។ 🔴 បើយើងមើលទៅលើទង្វើរបស់ក្រុមពិទអះស៊ូហ្វីយ្យះ គឺដូចអ្វីដែលអល់ឡោះបានមានបន្ទូលក្នុងគួរអានអាយិតលេខ ១០៣ និង ១០៤ នៃស៊ូរ៉ោះ អាល់កាហ្វ ថា៖ ﴿قُلْ هَلْ نُنَبِّئُكُمْ بِالْأَخْسَرِينَ أَعْمَالًا ۝ الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا﴾ [ سورة الكهف (103-104) ] យោងតាហ្វសៀត អាស្សាគទី, អ៉ីពនូ កាសៀត, អាល់ហ្ពាហ្គវី បានបកស្រាយថា៖ - ឱ មូហាំម៉ាត់! ចូរព្រមានទៅកាន់មនុស្សទាំងអស់នោះថា តើអ្នកដឹងដែរឬទេ ការងារអ្វីដែលធ្វើឲ្យគ្មានផលបុណ្យ និងមានតែការខាតបង់? - គឺរាល់ការងារអ៉ីហ្ពាឌាត់ណាដែលពួកគេធ្វើផ្ទុយពីមាគ៌ាឥស្លាម វាជាការងារដែលខាតបង់ វាត្រឡប់ទៅរកពួកគេវិញ ក្នុងខណៈដែលពួកគេកំពុងយល់ថា អ្វីដែលពួកគេកំពុងធ្វើនោះ ជាការងារល្អ អល់ឡោះទទួលយក ឬបានផលបុណ្យ តែការពិតអ្វីដែលពួកគេបានធ្វើគឺ បានរលាយសាបសូន្យគ្មានប្រយោជន៍អ្វីឡើយទាំងក្នុងលោកិយ និងថ្ងៃអាឃីរ៉ាត់។ - @salythou007