@jamiivoice_: HABARI: Francis Nyakurwa kutoka Arusha ameiomba Serikali kumsaidia baada ya kuondolewa kazini mwaka 2018 akiwa mwalimu, kufuatia madai kuwa alipandishwa madaraja kimakosa. Akizungumza leo Juni 14, 2026 mbele ya Waziri Mkuu wa Jamhuri ya Muungano wa Tanzania, Dkt. Mwigulu Nchemba, katika mkutano wa hadhara uliofanyika Kinampanda, Wilaya ya Iramba mkoani Singida, Nyakurwa amesema amekuwa akifuatilia suala hilo kwa miaka kadhaa bila kupata suluhisho. Amesema alifanya kazi ya ualimu tangu mwaka 2006 hadi alipoondolewa kazini mwaka 2018 kwa madai kuwa alipandishwa madaraja bila kustahili. “Nilifika sehemu mbalimbali ikiwemo halmashauri, TAMISEMI, Wizara ya Utumishi na taasisi nyingine. Lakini nikaambiwa natakiwa kulipa zaidi ya shilingi milioni 16 ili nirejeshwe kazini kwa madai kuwa nililipwa kinyume cha utaratibu tangu mwaka 2012 nilipoanza kupandishwa madaraja,” amesema Nyakurwa. Akijibu kero hiyo, Waziri Mkuu Dkt. Mwigulu Nchemba ameonyesha kutoridhishwa na uamuzi huo na kuagiza wahusika waliomuidhinishia kupandishwa madaraja watafutwe na waeleze sababu za kufanya hivyo kama kweli hakustahili. Amesema si sahihi kwa mtumishi kuadhibiwa kwa makosa ya mfumo au ya viongozi waliokuwa na mamlaka ya kufanya maamuzi hayo. Waziri Mkuu ameongeza kuwa tukio hilo linaashiria uwepo wa uonevu na huenda likahusisha ubadhirifu wa fedha za umma, akisisitiza kuwa Serikali haitakubali vitendo vya aina hiyo kuendelea.

Jamii Voice

Open In TikTok:

Region: TZ

Sunday 14 June 2026 15:22:21 GMT