@masooma...angel123: #❤️ 🩹🦋میں وہ لڑکی ہوں زخموں کی راکھ اوڑھ کر بھی مسکراتی ہوں، آندھیوں کے بیچ چراغ سا جل جانے والی لڑکی ہوں میں۔ میرے حصے میں بھی کئی بےنام راتیں آئیں، کئی خواب ٹوٹے، کئی خواہشیں بکھر کر رہ گئیں، مگر میں نے ہر شکست کو ماتم نہیں بنایا، ہر آنسو کو پلکوں میں دفن کر دینے والی لڑکی ہوں میں۔ میں نے سیکھا ہے وقت کے سرد لہجوں سے، کہ ہر درد کو دل کی دیوار پر لکھنا ضروری نہیں، کچھ دکھ ہوا کے حوالے بھی کر دینے چاہییں، اپنی خاموشی میں شور چھپا لینے والی لڑکی ہوں میں۔ لوگ میری ہنسی کو خوشی سمجھتے رہے، کسی نے میرے قہقہوں کے پیچھے کی تھکن نہ پڑھی، میں نے بھی کبھی صفائی دینا مناسب نہ جانا، خود کو خود ہی سمجھا دینے والی لڑکی ہوں میں۔ میں نے اپنوں کی بےرخی بھی دیکھی ہے، اور غیروں کے بدلتے چہرے بھی پہچانے ہیں، مگر دل میں نفرت کا اندھیرا نہیں رکھا، ہر تلخی کو دعا میں بدل دینے والی لڑکی ہوں میں۔ جو چلا گیا، اسے قسمت کا فیصلہ مان لیا، جو نہ ملا، اسے خواہشوں کے قبرستان میں رکھ دیا، پھر مڑ کر زندگی کو نئے نام سے پکارا، ہر انجام سے آغاز نکال لینے والی لڑکی ہوں میں۔ میرے اندر بھی ایک دریا روتا رہتا ہے، مگر میں ہر بار ساحل بن جاتی ہوں، اپنے ٹوٹے ہوئے حصوں کو سمیٹ کر پھر سے، خود کو مکمل بنا لینے والی لڑکی ہوں میں۔ اپنے تمام دکھوں کو پاؤں کے نیچے روند کر، فاتحہ پڑھ کر قہقہہ لگا دینے والی لڑکی ہوں میں، میں ہار کر بھی ہار ماننے والوں میں نہیں، غم کی آنکھوں میں آنکھیں ڈال کر جینے والی لڑکی ہوں میں۔ 🌸 #deepwords_deeplines #poetry
