@dailyreposts05: الكلام اللي نفسي أرن أقوله وأقفل لآخر العمر.. نفسي بس أسمع صوت نَفَسَك، وأقولك: "أنا عمري ما هسامحك.. مش عشان أنت مشيت، لأ.. أنا مش هسامحك عشان أنت كنت عارف أنا بخاف من إيه وعملته، وعارف إيه اللي بيكسرني وحطيتني فيه بدم بارد. أنا مش هسامحك على كل ليلة سهرتها باكل في نفسي وأنا مش فاهم أنا قصرت معاك في إيه، وعلى كل مرة كدبت فيها عيني وودني وصحبتي عشان أطلعك أنت نضيف قدام نفسي". نفسي أقولك إنك خسرت حد مكنش هيتعوض، خسرت الراجل الوحيد اللي كان شاري وجودك بجد وبعمى، اللي كان بيهد حيطان ويعدي بحور عشان يشوف ضحكتك.. وأنت بكل برود صممت تدير وشك وتبيع الغالي برخيص. أنا مش برن عشان أسمع مبرراتك، ولا عايزك تقولي "أصل وظروف"، أنا برن بس عشان أقولك كلمتين تحطهم حلقة في ودنك: "اللفة هتلف، والأيام هتدور، ومسيرك تقف في نفس المكان اللي أنا واقف فيه دلوقتي، وتتدوق من نفس الكأس اللي شربتني منه.. وساعتها بس، هفتكرني". أنا مش زعلان عليك، أنا زعلان على نفسي وعلى الأصول والنضافة اللي قدمتها لشخص مبيفهمش غير لغة الرُخص. روّح بالسلامة للي شبهك، وقفلت الباب ده لآخر العمر، ومتبكيش بقى على مرار اللي هتشوفه بعدي.. سلام. (صوت قفلة السكة). #ريبوست

𝐉𝐔𝐒𝐓 . 𝐑𝐄𝐏𝐎𝐒𝐓

Open In TikTok:

Region: EG

Sunday 14 June 2026 18:00:32 GMT