Sannadkii 1971-kii, markii uu Idi Amin inqilaabay Milton Obote, dalkii Tanzania wuxuu noqday goobtii uu magangelyada ka helay madaxweynihii xilka laga tuuray. Bishii Sebteembar 1972-kii, kooxo jabhad ah oo taageersan Obote kuna gacan-siinayaan ciidanka Tanzania ayaa weerar ku qaaday gudaha Uganda si ay u ridaan Idi Amin. Hase yeeshee, sirdoonka Soomaaliya (NSS) ayaa ka hor tagay weerarkaas, iyagoo xogta ku wargeliyay Idi Amin, taasoo dhalisay in weerarkii uu fashilmo. Idi Amin wuxuu aad uga carooday duulaankaas, wuxuuna bilaabay qorshe uu ku duqaynayo magaalooyin waaweyn oo Tanzania ah, taasoo xadka labada dal ka dhigtay mid dagaal ku dhow. Madaxwyne Maxamed Siyaad Barre oo xilligaas sumcad weyn ku lahaa qaaradda Afrika, wuxuu go’aansaday inuu dhexgalo labada madaxweyne si uu u badbaadiyo xasiloonida gobolka. Wuxuu Muqdisho isugu yeeray wasiirradii arrimaha dibadda ee labada dal, wadahadallo dhowr maalmood qaatay ka dibna, 5-tii Oktoobar 1972-kii, Muqdisho waxaa si rasmi ah loogu kala saxiixday heshiis nabadeed. Qodobada ugu muhiimsan waxaa ka mid ahaa in la joojiyo colaadda, in ciidamada la kala fogeeyo, iyo in Tanzania ay joojiso taageerada jabhadda. Si loo hubiyo fulinta heshiiska, Madaxweyne Maxamed Siyaad Barre wuxuu xadka labada dal u diray ciidamo goobjoogayaal Soomaaliyeed ah oo ilaalinayay nabadda. Guushan diblomaasiyadeed ee Siyaad Barre waxay noqotay mid si weyn looga qiray qaaradda Afrika, taasoo keentay in sannadkii 1974-tii loo doorto Guddoomiyaha Ururka Midowga Afrika (OAU). Mahadnaq iyo qaddarin ku aaddan doorkaas muhiimka ah ee uu ka qaatay xasilinta gobolka, ayuu Idi Amin wadada weyn ee caasimadda Kampala ugu bixiyay magaca "Siad Barre Avenue", taas oo ahayd astaan muujinaysa xiriirka dhow ee labada hoggaamiye xilligaas.#somalitiktok #africa #somalia #fyp #viralvideos - @saadaashe