@khadiijabakrr: بتحبوا البيتزا تعملوها في البيت ولا تطلبوها جاهزة؟ 🍕🤍 لما أخويا قالي: نطلب بيتزا؟ 🍕😅 قلت لأ، هنعملها في البيت! الوصفة طلعت سهلة جدًا، مش بتاخد وقت طويل، والنتيجة عجبتنا جدًا 😍 المكونات: • كوب ونصف دقيق حبة كاملة (أو دقيق أسمر) • ٢½ ملعقة صغيرة خميرة • ¼ ملعقة صغيرة ملح • ١½ ملعقة صغيرة سكر • نصف كوب مية دافية • ملعقة كبيرة زيت زيتون الطريقة: نخلط الدقيق والخميرة والملح والسكر، وبعدها نضيف المية الدافية بالتدريج لحد ما تتكوّن عجينة متماسكة. نضيف زيت الزيتون ونلم العجينة على شكل كرة، نغطيها ونسيبها ترتاح 15 دقيقة. نعجنها مرة تانية عجنة خفيفة ونسيبها ترتاح 15 دقيقة كمان، وبكده تبقى جاهزة. نفردها في صينية الخبز. أنا استخدمت ورقة زبدة، لكن ممكن تدهنوا الصينية بشوية زيت زيتون. حطوا الإضافات اللي بتحبوها ❤️ أنا استخدمت صلصة بيتزا منزلية، جبنة شيدر، موتزاريلا، بيبروني مدخن، ورشة زيت زيتون على الوش. تدخل فرن ساخن لمدة 5 دقائق. جربوها وقولولي إيه أكتر إضافة بتحبوها على البيتزا؟ 🍕✨ #pizza #pizzalover #homecooking #توليت #tul8te

Khadija Bakr

Open In TikTok:

Region: EG

Sunday 14 June 2026 19:05:37 GMT