@vnfiv2: سالفة ألمروة سنة من ألسنين يسولف جدي أخميس ألله يرحمة ويرحم موتاكم يكول في يوم من الايام جنت كاعد بمظيف احد ألشيوخ من عشائرنا الاصيلة وسأل الشيخ ضيوفه كاللهم منو بيكم مسوي مروة فقال احد الحظور في يوم من الايام كنت ماشي لاهلي وبالطريق شفت طفل يغرگ بنهر يجري يجرف والوادم واگفة تخاف تنزل تطلع الولد الغرگان ..فضربت زرگ بالنهر وطلعت الولد وانقذته من الغرق قال الشيخ هي شجاعة وليست مروة فوقف رجل اخر من ضيوف المضيف وقال شيخنا يمكن اني المسوي مروة گاله الشيخ سولف فقال الرجل كنا انا وام البيت گاعدين ننتظر الاولاد وگدامنا الزاد مصبوب حتى نتعشى واذا بطارق يطرق الباب فخرجت عليه وقلت ما حاجتك ايها الطارق فقال منذ ايام اني وعيالي ما ضايگين الزاد.. يگول صاحبنا شلت صينية الزاد مال بيتي وعيالي من گدام ام البيت وانطيتها للسائل ... فجاوبه الشيخ هاي سالفتك مو مروة هاي كرم فقام رجل اخر بمضيف الشيخ وگال شيخنا يمكن اني ألمسوي مروة فگال الشيخ سولف للمضيف سالفتك فقال الرجل ...اخوي انقتل والقاتل هرب وظليت سنين اركض وراه اريد اخذ ثار اخوي وبيوم من الايام أجاني طارش گال كتال اخوك في فلان بلد فيقول ركبت فرسي الكحيلة وشلت البرنو بيدي والسيف بحزامي ومشيت على المكان الدلوني عليه فيگول ولگيته نايم جوة صريفة وچان اخلي السيف على راسه وگلتله اگعد يالمطلوب النا اليوم اذبحك بدم اخوي فجاوبني المطلوب ...اي والله حقك والثار ثارك بس عندي اطفال صغار تركتهم وراي من غير معيل وانت ومروتك تريد تذبحني بدم اخوك تريد تعفي عني فيگول فكرت بسالفة اطفاله من ايعيلهم اذا ذبحته وگتله روح لعيالك اني سامحتك بدم اخوي الخاطر فروخك الزغار وگلت يا شيخ هاي سالفتي فقال الشيخ هاي هيه المروة ومو ياهو الچان يكدر عليها رباط السالفه شاهد سالفتنه يمكن بحكمة السيد الجليل سيد صروط الله يرحمه سألو السيد شكد فروض الصلاة كلهم ست فروض كلوله سيد هنه خمسه كلهم والمروه والماعنده مروه ماعده دين والمروه ايظا تتطلب منك من تكعد بمحضر ان تحجي بمالات الله حتى يكون محضرك محضر خير للطرفين مثل مايكول ألشاعر آنه أحطّ حچايتي حطّة عباي أعرف اليشريها، وأندل سوگها وناس ما تعرف تحط ذيچ اعله هاي وحتى ما تندل مكان حلوگها وسلامتكم

احـ᭓᭄ـمد

Open In TikTok:

Region: IQ

Sunday 14 June 2026 20:50:10 GMT