@wwwwm6262: الحلقة الأولى من مسلسل "لين وزينة" الجديد دي القصة اللي هتكمل معانا لحد النهاية، وده مسلسل مختلف هتتشد له من أول لحظة لآخر حلقة. في البداية بنشوف لين وزينة، صحاب أو كده باين قدام الناس إنهم أصحاب، لكن الحقيقة مختلفة تمامًا… لين جواها غيرة وحقد من زينة بشكل كبير جدًا. زينة بتحب شاب اسمه أحمد، لكن لين مش بتحبه، ومع ذلك عايزة تاخده من زينة بأي طريقة عشان متخليش زينة تكسبه. لين بتسأل زينة: “أنتِ بتحبيه؟” زينة بترد بخجل: “أيوه بحبه بس مش عارفة هو بيحبني ولا لأ” لين تضحك وتقولها: “هو بيكلم بنات كتير، لو كان بيحبك كان خاف على مشاعرك ومكانش كلم غيرك” زينة بتروح البيت متلخبطة، وتتفاجئ بأمها بتقولها إن فارس ابن خالتها متقدم لها، وإن مفيش رفض تاني. زينة بتستسلم وتقول خلاص يمكن ده الأفضل… وبعدها تروح تحكي كل حاجة لـ لين. لكن المفاجأة إن لين بدل ما تدعمها، بتقنعها تكلم أحمد وتخليه يفضل متعلق بيها عشان ما يفتكرش إنها بتجري وراه، وفي نفس الوقت بتكمل خطتها من غير ما زينة تاخد بالها. يا ترى لين هتوصل لإيه في خطتها؟ وهل زينة هتكتشف الحقيقة قبل ما تتأذى؟ #قصص #قصص_واقعية #قصص_حقيقيه #دراما #مسلسلات

قصص وحكايات

Open In TikTok:

Region: EG

Sunday 14 June 2026 22:13:45 GMT