من نرفعت راية الإمام الحسين (ع)، مو بس قطعة قماش ارتفعت بالهوة، وإنما ارتفعت ويّاها قيم الحق والعدل والكرامة. نرفعت ويّاها دموع الملايين من المحبين، ونرفعت ويّاها قصة أعظم تضحية عرفها التاريخ. من نرفرف الراية، نتذكر أرض كربلاء الطاهرة، ونتذكر الإمام الحسين (ع) وهو واقف بثبات أمام الظلم، ما هزه خوف ولا أغرته الدنيا، وبقى متمسك بالحق إلى آخر لحظة. راية الحسين هي راية الصبر والإيمان، راية الأحرار بكل زمان ومكان. كل ما تهب الريح عليها كأنها تنادي: هيهات منا الذلة. وكل ما نشوفها مرفوعة، نحس بالفخر لأن عدنا إمام ضحى بنفسه وأهله وأصحابه حتى يبقى دين الله عزيز ويبقى الحق واضح للناس. هي راية جمعت القلوب على حب أهل البيت (ع)، وجعلت الملايين تمشي حباً وولاءً للحسين، وتبكيه جيلاً بعد جيل. يا راية الحسين، يا رمز العزة والوفاء، يا راية ما انكست رغم مرور السنين، تبقين شامخة مثل شموخ الحسين (ع) يوم عاشوراء. من نرفعتِ فوق القباب والمآذن والبيوت والطرقات، نرفعت ويّاج أرواح المؤمنين وقلوبهم، وصار الهتاف يعلو من كل مكان: لبيك يا حسين. سلامٌ على الحسين يوم وُلد، ويوم استشهد مظلوماً في كربلاء، ويوم يُبعث حياً. وسلامٌ على أبي الفضل العباس حامل اللواء، وسلامٌ على علي الأكبر والقاسم وأصحاب الحسين الذين كتبوا بدمائهم أروع صفحات الوفاء. وستبقى راية الحسين خفاقة ما دامت السماوات والأرض، ويبقى حب الحسين نبضاً في قلوب المؤمنين لا ينطفئ أبداً. 🏴💔 #ياعلي #موكب_بني_عامر #موكب_عشق_علي #موكب_شهيد_الجمعة_الحسيني_سوقالشيوخ #لايك_متابعه_اكسبلور . . . . . . . . . . - @q.p_31