@gilamana.pashtana: د پښتون ژغورنې غورځنګ (PTM) د مرکزي لارښوونې او د مشر منظور احمد پښتین په حکم، یو لوړپوړی وفد د مرحوم سینیټر تاج محمد افریدي کورنۍ ته د غمرازۍ لپاره ورغی او د هغه پر مزار یې د عقیدت او احترام حاضري وکړه. وفد د مرحوم پر قبر د عقیدت ګلونه کېښودل، د هغه روح ته یې د مغفرت دعا وکړه او د کورنۍ له غړو سره یې د ژورې خواخوږۍ څرګندونه وکړه. په دې وفد کې د پي ټي ایم صوبایي کوارډینیټر خیرالامین، عمران آفریدي، نظیف اشنغر، آفتاب شینواری، لغمان آفریدی، حسین آفریدی او د غورځنګ مرکزي، صوبایي او ضلعي مسئولین شامل وو. مرحوم سینیټر تاج محمد افریدي د ولسي خدمت او سیاست په ډګر کې یو دروند او پېژندل شوی شخصیت وو. د هغه مړینه د سیمې او ولس لپاره یوه ستره ضایعه ده. پی ټی ایم د مرحوم لپاره د مغفرت، رحمت او جنت الفردوس دعا کوي او د هغه له کورنۍ سره په دې ستر غم کې ځان شریک ګڼي. الله تعالی دې مرحوم وبخښي او کورنۍ ته دې صبرِ جمیل ور په برخه کړي. آمین.