@loaloa706: #လူတစ်ယောက်ရဲ့ အဆင့်အတန်းကို သူပြောတဲ့စကားထက်၊ သူထိန်းထားနိုင်တဲ့စကားက ပိုပြီး ဖော်ပြတတ်ပါတယ်။ လူမှုဆက်ဆံရေးမှာ လူတော်တော်များများက စကားပြောတတ်ဖို့ကို အရေးကြီးတယ်လို့ ထင်ကြပေမယ့်၊ တကယ်တမ်း တန်ဖိုးရှိတာက စကားထိန်းတတ်ဖို့ပါ။ တချို့လူတွေက သတင်းတွေ သိရတာကို ဂုဏ်ယူတတ်ကြတယ်။ တချို့လူတွေကတော့ သိထားတဲ့အရာကို မဖြန့်ဝေဘဲ ထိန်းသိမ်းနိုင်တာကို ဂုဏ်ယူတတ်ကြတယ်။ ဒီနှစ်မျိုးထဲမှာ ယုံကြည်မှုကို ရရှိတာက ဒုတိယလူမျိုးပါပဲ။ ဥပမာ... လူနှစ်ယောက်က သင့်ကို ရင်ဖွင့်တယ်ဆိုပါစို့။ တစ်ယောက်က နောက်တစ်ယောက်အကြောင်း ပြောပြတယ်။ သင်က အဲဒီစကားကို နောက်တစ်ဖက်ဆီ ပြန်သယ်သွားလိုက်တယ်။ ခဏတော့ စကားဝိုင်းက စိတ်ဝင်စားဖို့ ကောင်းသွားမယ်။ ဒါပေမယ့် အချိန်ကြာလာရင် လူတွေက သင့်ကို သတင်းပို့သူအဖြစ် မမြင်တော့ဘဲ၊ စကားမလုံ နှုတ်မလုံတဲ့သူအဖြစ် မြင်လာကြလိမ့်မယ်။ လျှို့ဝှက်ချက်တစ်ခုကို ထိန်းသိမ်းနိုင်ခြင်းက ပိုက်ဆံစုတာထက် ခက်တယ်။ ဒါပေမယ့် အဲဒီအရည်အချင်းက လူတစ်ယောက်ရဲ့ တန်ဖိုးကို မြင့်တင်ပေးတယ်။ ရင့်ကျက်တဲ့သူတွေဟာ ကြားသမျှကို မယုံဘူး။ သိသမျှကို မပြောဘူး။ ပြောနိုင်သမျှကိုလည်း မပြောဘူး။ သူတို့သိကြတာက စကားတစ်ခွန်းဟာ လေလိုပေါ့ပါးပေမယ့် ထွက်သွားပြီးရင် ပြန်ဖမ်းလို့ မရတော့ဘူးဆိုတာပါပဲ။ တောမီးတစ်လောင်စဖို့ မီးခြစ်တစ်ချောင်းပဲ လိုသလို၊ ဆက်ဆံရေးတစ်ခုပျက်စီးဖို့လည်း မဆင်မခြင် ပြောလိုက်တဲ့ စကားတစ်ခွန်းပဲ လိုတတ်ပါတယ်။ ဒါကြောင့် လူကြီးလူကောင်းဆိုတာ စကားများများ ပြောတတ်တဲ့သူကို မဆိုလိုပါဘူး။ ဘယ်စကားကို ထိန်းရမလဲ၊ ဘယ်နေရာမှာ နှုတ်ဆိတ်ရမလဲ၊ ဘယ်အရာကို ကိုယ့်ဆီမှာတင် အဆုံးသတ်ရမလဲ သိတဲ့သူကို ဆိုလိုတာပါ။ တစ်ခါတစ်ရံ... ပြောလိုက်တဲ့ စကားက လူတစ်ယောက်ကို ဆုံးရှုံးစေနိုင်ပေမယ့် မပြောလိုက်တဲ့ စကားကတော့ ယုံကြည်မှုတစ်ခုကို ထိန်းသိမ်းပေးနိုင်တယ်။ ဒါကြောင့် စကားတတ်သူဖြစ်ဖို့ထက် စကားလုံသူဖြစ်ဖို့ ကြိုးစားပါ။ လူတွေက သင့်ကို ဘယ်လောက် ပြောတတ်လဲဆိုတာထက် ဘယ်လောက်ယုံကြည် စိတ်ချလို့ရလဲ ဆိုတာကိုပဲ ပိုပြီးလေးစား တန်ဖိုးထားကြတာ ဖြစ်ပါတယ်။ #မေတ္တာဖြင့် #crd_to_owner_with_respect

🌸𝓢𝓲𝓵𝓸𝓪𝔀𝓪𝓷𝓷🌸

Open In TikTok:

Region: MM

Monday 15 June 2026 02:02:19 GMT